Kun Khmer အမျိုးသမီး ၄၈ ကီလိုတန်းတွင် မေသဇင်ထူး ငွေတံဆိပ်ဆုရရှိ
ရန်ကုန် မေ ၁၀
ဆီးဂိမ်း Kun Khmer ပြိုင်ပွဲကို ယနေ့တွင် ဆက်လက်ကျင်းပရာ အမျိုးသမီး ၄၈ ကီလိုတန်းတွင် မေသဇင်ထူးက ငွေတံဆိပ်ဆု ရရှိခဲ့သည်။
မေသဇင်ထူးသည် ယင်းပြိုင်ပွဲတွင် ဆီမီးဖိုင်နယ်အဆင့်မှ စတင်ယှဉ်ပြိုင်ရပြီး ကမ္ဘောဒီးယား ကစားသမားကို ၃၀-၂၇ မှတ်ဖြင့် အနိုင်ရကာ ဗိုလ်လုပွဲ တက်ရောက်ခဲ့သည်။
ဗိုလ်လုပွဲကို ယနေ့တွင်ကျင်းပရာ မေသဇင်ထူးသည် ဗီယက်နမ် ကစားသမား သီကင်ယန်နှင့် တွေ့ဆုံခဲ့ရာ ၂၉-၂၈ မှတ်ဖြင့် ရှုံးနိမ့်ပြီး ငွေတံဆိပ်ဖြင့် ကျေနပ်ခဲ့ရခြင်းဖြစ်ကြောင်း သိရသည်။