ဆီးဂိမ်းပြိုင်ပွဲတွင် မြန်မာတိုက်ကွမ်ဒိုအဖွဲ့ ရွှေတစ်ခု၊ ကြေးနှစ်ခု
ဆီးဂိမ်းတိုက်ကွမ်ဒိုပြိုင်ပွဲ တတိယနေ့ကို ယနေ့တွင် ဆက်လက်ကျင်းပရာ မြန်မာတိုက်ကွမ်ဒိုအဖွဲ့က ရွှေတစ်ခု၊ ကြေးနှစ်ခု ထပ်မံရရှိခဲ့သည်။
ပြိုင်ပွဲတတိယနေ့တွင် အတိုက်ပွဲစဉ်များကျင်းပခဲ့ပြီး မြန်မာတိုက်ကွမ်ဒိုအဖွဲ့အတွက် ရွှေတံဆိပ်ဆုကို အမျိုးသား ၈၇ ကီလိုတန်းအထက်ပြိုင်ပွဲတွင် ကျော်မင်းနိုင်ကရရှိခဲ့ခြင်းဖြစ်သည်။ ကျော်မင်းနိုင်သည် ဗိုလ်လုပွဲတွင် အိမ်ရှင်ကမ္ဘောဒီးယားကစားသမား ဗန်ရီသီနှင့်တွေ့ဆုံခဲ့ပြီး အနိုင်ရခဲ့ခြင်းဖြစ်သည်။ ကြေးတံဆိပ်ဆုများကို အမျိုးသား -၇၄ ကီလိုတန်းပြိုင်ပွဲတွင် မြင့်ကိုကိုနှင့် အမျိုးသမီး +၇၃ ကီလိုတန်းပြိုင်ပွဲတွင် မိုးပွင့်ဖြူတို့က ရရှိခဲ့ခြင်းဖြစ်သည်။
ပြိုင်ပွဲနောက်ဆုံးနေ့ကို မေ ၁၅ ရက် (ယနေ့) တွင် ဆက်လက်ကျင်းပမည်ဖြစ်ကြောင်း သိရသည်။
ရှိုင်းထက်ဇော်