မြစ်ကြီးနားမြို့ရှိ စစ်မှုထမ်းဟောင်း အဖွဲ့ဝင်များ၏ ၂၀၂၂-၂၀၂၃ ခုနှစ်၊ နှစ်ပတ်လည် အစည်းအဝေးပြုလုပ်
နေပြည်တော်၊ ဇွန် - ၇
ကချင်ပြည်နယ်၊ မြစ်ကြီးနားမြို့ရှိ စစ်မှုထမ်းဟောင်းအဖွဲ့ဝင်များ၏ ၂၀၂၂-၂၀၂၃ ခုနှစ်၊ နှစ်ပတ်လည် အစည်းအဝေးကို ယနေ့နံနက်ပိုင်းတွင် မြောက်ပိုင်းတိုင်း စစ်ဌာနချုပ်ရှိ ဗလမင်းထင်ခန်းမ၌ ပြုလုပ်ရာ တိုင်းမှူး ဗိုလ်ချုပ် ကိုကိုမောင်နှင့် တာဝန်ရှိသူများ၊ စစ်မှုထမ်းဟောင်း အဖွဲ့ဝင်များ တက်ရောက်ကြသည်။
ဦးစွာ တိုင်းမှူးက အဖွင့်အမှာစကားပြောပြားသည်။ ထို့နောက် တိုင်းမှူးနှင့် တာဝန်ရှိသူများက စစ်မှုထမ်းဟောင်း အဖွဲ့ဝင်များ၏ တင်ပြချက်များအပေါ် လိုအပ်သည်များ ညှိနှိုင်းဆောင်ရွက်ပေးပြီး ရင်းရင်းနှီးနှီး လိုက်လံ နှုတ်ဆက်ခဲ့ကြောင်း သတင်းရရှိသည်။