မြန်မာ့လက်ရွေးစင်ဘောလုံးအသင်း မကာအိုလက်ရွေးစင် အသင်းအား နှစ်ဂိုးပြတ်အနိုင်ရ
နေပြည်တော် ဇွန် ၁၉
မြန်မာ့လက်ရွေးစင်ဘောလုံးအသင်းသည် ယနေ့ညနေပိုင်းတွင် တရုတ်နိုင်ငံ ဒါလီယန်ဘောလုံးကွင်းတွင် ကျင်းပသည့် နိုင်ငံတကာဖီဖာအဆင့် ခြေစမ်းပွဲစဉ်အား မကာအိုလက်ရွေးစင် ဘောလုံးအသင်းဖြင့် ယှဉ်ပြိုင်ကစားရာ နှစ်ဂိုးပြတ်ဖြင့် အနိုင်ရရှိပြီး ၂၀၂၁ ခုနှစ်က နိုင်ပွဲပျောက်ဆုံးမှုကို ရပ်တန့်နိုင်ခဲ့သည်။
ပွဲစဉ်ပထမပိုင်းတွင် မြန်မာအသင်းအနေဖြင့် ရှေ့တန်းတိုက်စစ်မှူးများဖြစ်သော လွင်မိုးအောင်၊ မောင်မောင်လွင်တို့မှ မကာအိုအသင်းဘက်ကို ဖိအားပေး တိုက်စစ်ဆင်ကစားရာမှ ပွဲကစားချိန် ၂၃ မိနစ်တွင် လွင်မိုးအောင်၏ ဦးဆောင်ဂိုးနှင့်အတူ ပထမပိုင်းပြီးဆုံးသည်။ ဒုတိယပိုင်းတွင် ကမ္ဘာ့အဆင့်သတ်မှတ်ချက် ၁၈၂ ဖြစ်သည့် မကာအိုအသင်းနှင့် ကမ္ဘာ့အဆင့်သတ်မှတ်ချက် ၁၆၀ ဖြစ်သည့် မြန်မာအသင်းတို့ မိနစ် ၉၀ အထိ အကြိတ်အနယ် ယှဉ်ပြိုင်ကစားခဲ့ရာ နာကျင်အချိန်ပို ၄ မိနစ်တွင် မကာအိုအသင်းမှ နောက်တန်းတိုက်စစ်မှူး၏ မှားယွင်းမှုကြောင့်ရရှိခဲ့သည့် ပယ်နယ်တီအား မြန်မာအသင်းခေါင်းဆောင် မောင်မောင်လွင်က သွင်းယူပေးနိုင်ခဲ့သည့်အတွက် ဒုတိယပိုင်းပွဲကစားချိန်အဆုံးတွင် မြန်မာအသင်းမှ မကာအိုအသင်းအား နှစ်ဂိုးပြတ်ဖြင့် အနိုင်ရရှိခဲ့ခြင်း ဖြစ်သည်။
ကျော်လွင်