နေပြည်တော်၊ နိုဝင်ဘာ - ၉
COVID-19 ရောဂါဖြစ်ပွားမှုကြောင့် ကူးသန်းသွားလာမှုများရပ်ဆိုင်းကာ သီးနှံများ ဝယ်ယူသူနည်းပါးပြီး ဒေသခံတောင်သူများအနေဖြင့် ရောင်းချရန်အခက်အခဲဖြစ်ပေါ်၍ သီးနှံများပျက်ဆီးဆုံးရှုံးနိုင်သည့်အခြေအနေများဖြစ်ပေါ်နေသောကြောင့် နယ်မြေခံတပ်မတော် သားများက စိုက်ခင်းများသို့ သွားရောက်၍ ဒေသခံတောင်သူများ ရောင်းချပေးနိုင်သည့် ဈေးနှုန်းဖြင့် ရာသီသီးနှံများကို ဝယ်ယူပေးလျက်ရှိသည်။
ထိုသို့ဝယ်ယူပေးလျက်ရှိရာ ယနေ့တွင် အရှေ့ပိုင်းတိုင်းစစ်ဌာနချုပ်မှ နယ်မြေခံ တပ်မတော်သားများက ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ နမ့်ပုလင်းကျေးရွာအုပ်စု၊ နောင်ကောက်ကျေးရွာရှိ ဒေသခံတောင်သူများ၏ စိုက်ခင်းများသို့ သွားရောက်၍ ဂေါ်ဖီထုပ် ၈၂၀၀ ထုပ်ကို ဒေသခံတောင်သူများ ရောင်းချ ပေးနိုင်သည့်ဈေးနှုန်းဖြင့် ထပ်မံဝယ်ယူပေးခဲ့ကြောင်း သိရှိရသည်။
ထိုသို့ဝယ်ယူပေးလျက်ရှိရာ အလယ်ပိုင်းတိုင်းစစ်ဌာနချုပ်အနေဖြင့် နိုဝင်ဘာ ၇ ရက် တွင် ပင်လောင်းမြို့နယ်ဒေသထွက် ရာသီသီးနှံဖြစ်သည့် ဂေါ်ရခါးသီးအလုံး ၁၅၀၀၀ နှင့် ခရမ်းချဉ်သီး ၄၀၀၀ ပိဿာတို့ကို တောင်သူများထံမှ တောင်သူများရောင်းချ ပေးနိုင်သည့် ဈေးဖြင့် မှာယူဝယ်ယူခဲ့ပြီး ယနေ့တွင် မန္တလေးမြို့ရှိ ကမ်းနားလမ်းဈေးနှင့် နန်းရှေ့ဈေးတို့၌ သက်သာသောဈေးနှုန်းများဖြင့် ပြန်လည်ရောင်းချပေးခဲ့ကြောင်း သတင်း ရရှိသည်။