ကမ္ဘာ့အကောင်းဆုံး ဂိုးသမားဆု (Yachine Trophy) အတွက် နောက်ဆုံးဆန်ခါတင် ဂိုးသမား ၁၀ ဦးစာရင်းကို အတည်ပြု ထုတ်ပြန်ကြေညာ
ကမ္ဘာ့ဘောလုံးအဖွဲ့ချုပ်နှင့် ပြင်သစ်မဂ္ဂဇင်းတို့ ပူးပေါင်းချီးမြှင့်မည့် ကမ္ဘာ့အကောင်းဆုံး ဂိုးသမားဆု (Yachine Trophy)အတွက် နောက်ဆုံး ဆန်ခါတင်ဂိုးသမား ၁၀ ဦးစာရင်းကို အတည်ပြု ထုတ်ပြန်ကြေညာခဲ့ကြောင်း သိရသည်။
ကမ္ဘာ့အကောင်းဆုံး ဂိုးသမားဆု (Yachine Trophy) ကို ဆိုဗီယက်ပြည်ထောင်စု ဂန္ထဝင် ဂိုးသမားကြီး လက်ဗ်ယာရှင်အား ဂုဏ်ပြုသည့်အနေဖြင့် ကမ္ဘာ့ဘောလုံး အဖွဲ့ချုပ်က ၂၀၁၉ ခုနှစ်က စတင်ရွေးချယ် ချီးမြှင့်ခဲ့ခြင်းဖြစ်သည်။
ကမ္ဘာ့အကောင်းဆုံး ဂိုးသမားဆု (Yachine Tro-phy) အတွက် နောက်ဆုံးဆန်ခါတင် ဂိုးသမား ၁၀ ဦး စာရင်းတွင် အေစီမီလန်အသင်းမှ မိုက်မိုင်ဂန်၊ ဆီဗီလာ အသင်းမှ ဘိုနူ၊ အင်တာမီလန်အသင်း ဂိုးသမားဟောင်း လက်ရှိမန်ယူအသင်းမှ အိုနာနာ၊ မန်စီးတီးအသင်း ဂိုးသမားဟောင်း အီဒါဆန်၊ လန်းအသင်းမှ ဘရိုက်ဆမ်ဘာ၊ အက်စ်တွန်ဗီလာအသင်းမှ မာတီနက်ဇ်၊ ရီးယဲလ်မက်ဒရစ်အသင်းမှ ကော့တွိုက်စ်၊ အာဆင်နယ် အသင်းမှ ရမ်ဒဲလ်၊ ဖီနာဘာချီအသင်းမှ လီဗာကိုဗစ်၊ ဘာစီလိုနာအသင်းမှ တာစတီဂန်တို့ ပါဝင်လာသည်။
လက်ရှိတွင်၂၀၂၂ ကမ္ဘာ့ဖလားပြိုင်ပွဲ၌ အာဂျင်တီးနား အသင်းနှင့်အတူ အကောင်းဆုံး လက်စွမ်းပြနိုင်ခဲ့ပြီး ချန်ပီယံဆု ဆွတ်ခူးနိုင်ခဲ့သည့် မာတီနက်ဇ်က ကမ္ဘာ့အကောင်းဆုံး ဂိုးသမားဆု ဆွတ်ခူးနိုင်ရန် ထိပ်ဆုံးမှ ရေပန်းစားလျက် ရှိကြောင်း သိရသည်။