နေပြည်တော် ၊ နိုဝင်ဘာ - ၁၆
ရှမ်းပြည်နယ်(တောင်ပိုင်း)၊ တောင်ကြီးမြို့နယ်၊ ရွှေညောင်မြို့၊ ပန်းပုံကျေးရွာရှိ ဦးသန်းဇော်ပိုင်ဆိုင်သော ရွှေခြင်္သေ့စက်သုံးဆီအရောင်းဆိုင် ဆီသိုလှောင်ရုံ၌ ဆီဘောက် ဆာဖြင့်ဆီဖြည့်ရာမှတစ်ဆင့် ယနေ့မွန်းလွဲ ၁၂ နာရီခွဲခန့်တွင် မီးလောင်မှု စတင်ဖြစ်ပွား ခဲ့သဖြင့် တောင်ကြီးတပ်နယ်မှ နယ်မြေခံတပ်မတော်သားများက ပြည်နယ်မီးသတ်တပ်ဖွဲ့ဝင် များနှင့် ပူးပေါင်း၍ မီးသတ်ယာဉ် ၇ စီးဖြင့် ဝိုင်းဝန်းငြှိမ်းသတ်ခဲ့သဖြင့် မွန်းလွဲ ၂ နာရီ ၄၀ မိနစ်ခန့်တွင် မီးငြိမ်းသွားခဲ့သည်။
အဆိုပါမီးလောင်မှုကြောင့် လူနှင့် တိရိစ္ဆာန်များထိခိုက်ဒဏ်ရာ ရရှိမှုမရှိကြောင်း နှင့် ဦးသန်းဇော်အား တရားဥပဒေအရ အရေးယူနိုင်ရေး ဆက်လက် ဆောင်ရွက်လျက် ရှိကြောင်း သတင်းရရှိသည်။