စပိန်လာလီဂါပြိုင်ပွဲ၏ အောက်တိုဘာလအတွက် တစ်လတာအကောင်းဆုံးကစားသမားဆုကို ရီးယဲလ်မက်ဒရစ် အသင်းကွင်းလယ်ကစားသမား ဘယ်လင်ဟမ်ဆွတ်ခူး
စပိန်လာလီဂါအဖွဲ့ချုပ်က ပေးအပ်ချီးမြှင့်သည့် စပိန်လာလီဂါပြိုင်ပွဲ၏ အောက်တိုဘာလအတွက် တစ်လတာအကောင်းဆုံး ကစားသမားဆုကို ရီးယဲလ်မက်ဒရစ်အသင်း ကွင်းလယ်ကစားသမား ဘယ်လင် ဟမ်က ဆွတ်ခူးနိုင်ခဲ့ကြောင်း သိရသည်။
ဘယ်လင်ဟမ်သည် ပြီးခဲ့သည့်နွေရာသီကစားသမား အပြောင်းအရွှေ့ကာလက ဒေါ့မွန်အသင်းမှ ရီးယဲလ် မက်ဒရစ်အသင်းသို့ ပြောင်းရွှေ့ကစားခဲ့ပြီး အသင်းနှင့် ပထမဆုံးဘောလုံးရာသီတွင်ပင် အကောင်းဆုံး ခြေစွမ်းပြနိုင်ကာ စပိန်လာလီဂါပြိုင်ပွဲ၏ အကောင်းဆုံးကွင်းလယ် ကစားသမားများတွင် တစ်ဦးအပါအဝင် ရပ်တည်နေသူဖြစ်သည်။
ဘယ်လင်ဟမ်သည် ရီးယဲလ်မက်ဒရစ်အသင်းနှင့်အတူ အောက်တိုဘာလအတွင်းကစားခဲ့သည့် စပိန် လာလီဂါပွဲစဉ်လေးပွဲ၌ ငါးဂိုးအထိသွင်းယူနိုင်ခဲ့သည့် အပြင် ဂိုးဖန်တီးမှုတစ်ကြိမ်ပြုလုပ်နိုင်ပြီးနောက် စပိန် လာလီဂါပြိုင်ပွဲ၏ အောက်တိုဘာလအတွက် တစ်လတာ ကောင်းဆုံးကစားသမားဆုကို ဆွတ်ခူးနိုင်ခြင်း ဖြစ်သည်။
အလားတူ အောက်တိုဘာလအတွက် စပိန်လာလီဂါပြိုင်ပွဲ၏ တစ်လတာ အကောင်းဆုံးနည်းပြဆုကို အောက်တိုဘာလအတွင်း အက်သလက်တီကိုအသင်းအား ရလဒ်ကောင်းများ ရရှိအောင် စွမ်းဆောင်ပေးနိုင်သည့် နည်းပြဆီမြွန်နီက နည်းပြအန်ဆယ်လော့တီကို ကျော်ဖြတ်ပြီး ဆွတ်ခူးနိုင်ခဲ့ကြောင်း သိရသည်။
Ref;Sky Sport