Max Energy Futsal Amateur Cup 2024 ပြိုင်ပွဲ အုပ်စုပွဲစဉ်များ ဆက်လက် ယှဉ်ပြိုင်ကစား
ရန်ကုန် ဇွန် ၂၆
မြန်မာနိုင်ငံဘောလုံး အဖွဲ့ချုပ် ဖူဆယ်နှင့် သဲသောင်ပြင်ကော်မတီက ကြီးမှူးကျင်းပမည့် Max Energy Futsal Amateur Cup 2024 ပြိုင်ပွဲ အုပ်စုပွဲစဉ်များကို ယနေ့နံနက် ၈ နာရီမှစတင်ပြီး MFF Futsal Stadium တွင် ကျင်းပခဲ့ကြောင်း သိရသည်။
Max Energy Futsal Amateur Cup 2024 ပြိုင်ပွဲ အုပ်စုပွဲစဉ်များအဖြစ် ယနေ့နံနက် ၈ နာရီတွင် Shadows FC အသင်းနှင့် 7Brothers FC အသင်းတို့ ကစားခဲ့ရာ 7 Brothers FC အသင်းက ၅ ဂိုး ၁ ဂိုးဖြင့် လည်းကောင်း၊ နံနက် ၉ နာရီခွဲတွင် Junior FC အသင်းနှင့် 42 Youth Club အသင်းတို့ ကစားခဲ့ရာ Junior FC အသင်းက ၇ ဂိုး ၂ ဂိုးဖြင့် လည်းကောင်း အနိုင်ရရှိခဲ့ပြီး နံနက် ၁၁ နာရီတွင် FCT Youth အသင်းနှင့် RE United အသင်းတို့ကစားခဲ့ရာ နှစ်ဂိုးစီ သရေရလဒ်ထွက်ပေါ်ခဲ့သည်။
အလားတူ မွန်းလွဲ ၁၂ နာရီခွဲတွင် Team Leo FC အသင်းနှင့် MST University အသင်းတို့ ကစားခဲ့ရာ MST University အသင်းက ၈ ဂိုး ၂ ဂိုးဖြင့် လည်းကောင်း၊ မွန်းလွဲ ၂ နာရီတွင် Team Tiger အသင်းနှင့် Jullniss FC အသင်းတို့ကစားခဲ့ရာ Jullniss FC အသင်းက ၅ ဂိုး ဂိုးမရှိဖြင့်လည်းကောင်း၊ ညနေ ၃ နာရီခွဲတွင် Gold Dream FC အသင်းနှင့် SGF Youth အသင်းတို့ ကစားခဲ့ရာ Gold Dream FC အသင်းက ၁ ဂိုး ဂိုးမရှိဖြင့် လည်းကောင်း အနိုင်ရရှိခဲ့သည်။
Max Energy Futsal Amateur Cup 2024 ပြိုင်ပွဲ အုပ်စုပွဲစဉ်များအဖြစ် ဇွန်လ၂၇ ရက် (ယနေ့)တွင် Team Starboyz FC အသင်းနှင့် TGL FC အသင်း၊ နံနက် ၉ နာရီခွဲတွင် Champion Team အသင်းနှင့် College FC အသင်း၊ နံနက် ၁၁ နာရီတွင် Seven FC အသင်းနှင့် Iconic FC အသင်း၊ မွန်းလွဲ ၁၂ နာရီခွဲတွင် YRG Youth အသင်းနှင့် MSK FC အသင်း၊ မွန်းလွဲ ၂ နာရီတွင် Let Wel Youth အသင်း နှင့် FFU Youths အသင်း၊ ညနေ ၃ နာရီခွဲ တွင် VUC Athletic အသင်းနှင့် 5 TWSP အသင်းတို့ ဆက်လက်ကစား သွားမည်ဖြစ်ကြောင်း သိရသည်။