မြို့နယ်အချို့တွင် စိတ်ကြွရူးသွပ်ဆေးပြားများ သိမ်းဆည်းရမိ
နေပြည်တော် သြဂုတ် ၅
မူးယစ်ဆေးဝါး တားဆီးနှိမ်နင်းရေး တပ်ဖွဲ့ဝင်များပါဝင်သော ပူးပေါင်းအဖွဲ့သည် သြဂုတ်လ ၄ ရက် မွန်းလွဲ ၁၂ နာရီခွဲတွင် အင်းစိန်မြို့နယ် ပေါက်တောရပ်ကွက် လှိုင်မြစ်လမ်းတွင် မသင်္ကာဖွယ်တွေ့ရှိသူ အောင်ကျော်ဟိန်းနှင့် မြတ်မင်းဌေး(ခ)ချက်ဖောင်းတို့အား စစ်ဆေးရှာဖွေရာ စိတ်ကြွရူးသွပ်ဆေးပြား ၂၀၀၀ ကိုလည်းကောင်း၊ အလားတူ ပူးပေါင်းအဖွဲ့သည် ညနေ ၄ နာရီတွင် တောင်ဥက္ကလာပမြို့နယ်၊ (၄)ရပ်ကွက် သီလ(၁၁)လမ်းရှိ ထွန်းလင်းအောင်(ခ) DJ JAME ၏ နေအိမ်ကို ဝင်ရောက်ရှာဖွေရာ စိတ်ပြောင်းဆေးဝါးများဖြစ်သည့် Happy Water ၁ ဒသမ ၃၆၆ ကီလို၊ ကက်တမင်း သုည ဒသမ ၆ ကီလို၊ အက်တက်စီဆေးပြား ၁၃၅ ကိုလည်းကောင်း၊ ထို့အတူ ည ၆ နာရီတွင် ကျိုင်းတုံမြို့နယ်၊ လွယ်မွေကျေးရွာအုပ်စု နမ့်နော်လားဟူ ကျေးရွာအနီးတွင် မသင်္ကာဖွယ်တွေ့ရှိသူ ကျရှဲအား စစ်ဆေးရှာဖွေရာ စိတ်ကြွရူးသွပ်ဆေးပြား ၁၀၀၀၀ ကို လည်းကောင်း သိမ်းဆည်းရမိသဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားကြောင်း သိရသည်။