ဂျိုဂျွန်းဆောက်၏ Pilot ရုပ်ရှင် ခုနစ်ရက်အတွင်း ကြည့်ရှုသူနှစ်သန်းကျော်လာ
ဂျိုဂျွန်းဆောက်က အဓိကသရုပ်ဆောင်အဖြစ် ပါဝင်ထားသည့် Pilot ရုပ်ရှင်ကား က ခုနစ်ရက်အတွင်း ကြည့်ရှုသူနှစ်သန်း ကျော်သွားပြီဖြစ်သည်။
Pilot ရုပ်ရှင်သည် ဂျိုဂျွန်းဆောက်၏ ငါးနှစ်အတွင်း ပထမဆုံးအကြိမ် ပြန်လည် ရိုက်ကူးသည့် ရုပ်ရှင်ဇာတ်ကားလည်းဖြစ်ကာ ပရိသတ်၏ အားပေးမှုကို တစ်ခဲနက် ပြန်လည် ရရှိလာခြင်းလည်းဖြစ်သည်။
Pilot ကိုရုံတင်ပြီးနောက် လေးရက်အတွင်း ကြည့်ရှုသူတစ်သန်းကျော် ရှိကာ ခုနစ်ရက်အတွင်း နှစ်သန်းကျော်သို့ မြန်မြန်ဆန်ဆန် ရောက်ရှိလာသောကြောင့် အချိန် တိုအတွင်း ကြည့်ရှုသူအများဆုံး ကိုရီးယား ရုပ်ရှင်ကား တစ်ကားဖြစ်လာသည်။
အောင်မြင်ကျော်ကြားသော လေယာဉ်မှူးတစ်ဦးဖြစ်သည့် ဟန်ဂျွန်းဝူ (ဂျိုဂျွန်း ဆောက်)က အလုပ်လက်မဲ့ဘဝသို့ ညတွင်းချင်း ရောက်ရှိသွားသော်လည်း ထင်မှတ်မထားလောက်သည့် ပြောင်းလဲမှုကို လုပ်ဆောင်ပြီးနောက် အလုပ်အသစ်တစ် ခုတွင် အောင်မြင်စွာ အလုပ်လုပ်နိုင်ပုံကို အဓိကဦးစားပေးဖော်ပြထားသည့် ရုပ်ရှင် ဇာတ်ကားကောင်း တစ်ကားဖြစ်သည်။