ဘိုချမ်အသင်းကို အနိုင်ရရှိပြီးနောက် လေဗာကူဆင်အသင်း တစ်ရာသီလုံး ရှုံးပွဲမရှိဘဲ ဂျာမန်ဘွန်ဒက်စ်လီဂါ ရွှေဖလားဆွတ်ခူးနိုင်ရန် တစ်ပွဲသာလိုအပ်နေ

ဘိုချမ်အသင်းကို အနိုင်ရရှိပြီးနောက် လေဗာကူဆင်အသင်း တစ်ရာသီလုံး ရှုံးပွဲမရှိဘဲ ဂျာမန်ဘွန်ဒက်စ်လီဂါ ရွှေဖလားဆွတ်ခူးနိုင်ရန် တစ်ပွဲသာလိုအပ်နေ

ဂျာမန်ဘွန်ဒက်စ်လီဂါပြိုင်ပွဲ ပွဲစဉ်(၃၃)အဖြစ်ကစား သည့်  ဘိုချမ်အသင်းနှင့်   လေဗာကူဆင်အသင်းတို့ ပွဲစဉ်၌ လေဗာကူဆင်အသင်းက  ၅ ဂိုး- ဂိုးမရှိဖြင့် အနိုင်ရရှိပြီးနောက် ဂျာမန်ဘွန်ဒက်စ်လီဂါပြိုင်ပွဲတွင် တစ်ရာသီလုံး ရှုံးပွဲမရှိဘဲ     ရွှေဖလားဆွတ်ခူးနိုင်ရန် တစ်ပွဲသာ လိုအပ်နေကြောင်း သိရသည်။

လေဗာကူဆင်အသင်းသည်  ယခုဘောလုံးရာသီ ဂျာမန်ဘွန်ဒက်စ်လီဂါပြိုင်ပွဲတွင် နည်းပြအလွန်ဆို၏ ဦးဆောင်မှုနှင့်အတူ ရာသီမပြီးဆုံးမီကတည်းက ဂျာမန်ဘွန်ဒက်စ်လီဂါ ချန်ပီယံဆုဖလား ဆွတ်ခူးထားနိုင်ခဲ့ပြီး နောက်ဆုံးပွဲစဉ်အဖြစ် အော့စ်ဘတ်အသင်းနှင့်ကစား မည့်ပွဲစဉ်တွင်  မရှုံးနိမ့်အောင် ကစားနိုင်မည်ဆိုပါက ရွှေဖလားဆွတ်ခူးနိုင်မည်ဖြစ်သည်။

လေဗာကူဆင်အသင်းသည်  ယခုဘောလုံးရာသီ ဂျာမန်ဘွန်ဒက်စ်လီဂါပြိုင်ပွဲ၌ ၃၃ ပွဲကစားပြီးချိန်တွင် ၂၇ ပွဲအနိုင်ရရှိကာ ခြောက်ပွဲသရေရလဒ် ထွက်ပေါ်ထားပြီး ပြိုင်ပွဲစုံတွင်လည်း ပွဲ ၅၀ ကစားပြီးချိန်တွင် ၄၁ ပွဲအနိုင်ရရှိခဲ့ကာ ကိုးပွဲသရေရလဒ်ထွက်ပေါ်ထားပြီး    ရှုံးပွဲမရှိ ပွဲဆက်အများဆုံး အသင်းအဖြစ်လည်း ရပ်တည်လျက်ရှိသည်။

ယခုဘောလုံးရာသီ၌ နည်းပြအလွန်ဆို၏ လေဗာကူဆင်အသင်းသည် ယူရိုပါလိဂ်ပြိုင်ပွဲတွင်  ဗိုလ်လု ပွဲသို့တက်ရောက်ထားပြီး  ဂျာမန်ပိုကယ်ဖလားပြိုင်ပွဲ တွင်လည်း   ဗိုလ်လုပွဲသို့   တက်ရောက်ထားကြောင်း သိရသည်။

Ref;B/R Football