MNL League Cup 2024 ပြိုင်ပွဲ အုပ်စု(B)တွင်ရခိုင်ယူနိုက်တက်အသင်းနှင့် ရှမ်းယူနိုက်တက်အသင်းတို့ နိုင်ပွဲကိုယ်စီရရှိ
ရန်ကုန် မေ ၁၄
မြန်မာနိုင်ငံဘောလုံးအဖွဲ့ချုပ် မြန်မာနေရှင်နယ်လိဂ်ကော်မတီက ကြီးမှူးကျင်းပလျက်ရှိနေသည့် MNL League Cup 2024 ပြိုင်ပွဲ အုပ်စု(B)ပွဲစဉ်များကို ယနေ့ညနေပိုင်းတွင် ရန်ကုန်မြို့၌ ယှဉ်ပြိုင်ကစားခဲ့ရာ ရခိုင်ယူနိုက်တက်အသင်းနှင့် ရှမ်းယူနိုက်တက်အသင်းတို့ နိုင်ပွဲကိုယ်စီရရှိခဲ့ကြကြောင်း သိရသည်။
MNL League Cup 2024 ပြိုင်ပွဲ အုပ်စု(B)ပွဲစဉ်များအဖြစ် ယနေ့ညနေ ၄ နာရီတွင် သုဝဏ္ဏအားကစားကွင်း၌ ကချင်ယူနိုက်တက်အသင်းနှင့် ရှမ်းယူနိုက်တက်အသင်းတို့ကစားခဲ့ရာ ရှမ်းယူနိုက် တက်အသင်းက နှစ်ဂိုးတစ်ဂိုးဖြင့် အနိုင်ရရှိခဲ့သည်။
အလားတူ ညနေ ၄ နာရီတွင် YUSC အားကစားကွင်း၌ ရခိုင်ယူနိုက်တက်အသင်းနှင့် ရိန်းဘိုးအသင်းတို့ ကစားခဲ့ရာ ရခိုင်ယူနိုက်တက်အသင်းက ခြေစွမ်းပိုင်းအသာဖြင့် ကစားနိုင်ခဲ့ကာ ငါးဂိုး ဂိုးမရှိဖြင့် အနိုင်ရရှိခဲ့သည်။
MNL League Cup 2024 ပြိုင်ပွဲအုပ်စု(C)ပွဲစဉ်များအဖြစ် မေလ ၁၅ ရက် (ယနေ့) ညနေ ၄ နာရီတွင် YUSC အားကစားကွင်း၌ ဧရာဝတီယူနိုက်တက်အသင်းနှင့်ဟံသာဝတီယူနိုက်တက်အသင်း၊ ညနေ ၄ နာရီတွင် တက္ကသိုလ်အားကစားကွင်း၌ ဒဂုံစတားအသင်းနှင့် ဆေးဗားစတားအသင်း၊ အုပ်စု(D)ပွဲစဉ်များအဖြစ် ညနေ ၃ နာရီ ၄၅ မိနစ်တွင် ပဒုမ္မာအားကစားကွင်း၌ ရတနာပုံအက်ဖ်စီအသင်းနှင့် ISPE အသင်း၊ ညနေ ၄ နာရီတွင် သုဝဏ္ဏအားကစားကွင်း၌ မြဝတီအက်ဖ်စီအသင်းနှင့် ရက္ခပူရယူနိုက်တက်အသင်းတို့ ယှဉ်ပြိုင်ကစားသွားမည် ဖြစ်ကြောင်း သိရသည်။
စည်သူအောင်