M21 U-23 Futsal Cup Mandalay 2024 ပြိုင်ပွဲ အုပ်စုပွဲစဉ်များဆက်လက်ယှဉ်ပြိုင်ကစား

M21 U-23 Futsal Cup Mandalay 2024 ပြိုင်ပွဲ အုပ်စုပွဲစဉ်များဆက်လက်ယှဉ်ပြိုင်ကစား

မန္တလေးတိုင်းဒေသကြီး ဖူဆယ်ဘောလုံး ဆပ်ကော်မတီက ကြီးမှူးကျင်းပလျက်ရှိသည့်  M21 U-23 Futsal Cup Mandalay 2024  ပြိုင်ပွဲကို ယနေ့နံနက် ၉ နာရီမှ စတင်ပြီး မန္တလေးမြို့ Min Khant Myanmar Sports Complex တွင်စတင်ကျင်းပ ခဲ့ကြောင်း သိရသည်။

M21 U-23 Futsal Cup Mandalay 2024 ပြိုင်ပွဲကို မန္တလေးမြို့ Min Khant Myanmar Sports Complex တွင် ပြိုင်ပွဲ ဝင်အသင်း ၁၂ သင်းဖြင့် ယနေ့မှစ၍ မေလ ၂၀ ရက်ထိ ကျင်းပသွားမည်ဖြစ်သည်။

M21 U-23 Futsal Cup Mandalay 2024 ပြိုင်ပွဲ အုပ်စုပွဲစဉ်များအဖြစ် ယနေ့ နံနက် ၉ နာရီတွင် MB United အသင်း နှင့် Scary Owls တို့ကစားခဲ့ရာ Scary Owls အသင်းက ၇ ဂိုး ၃ ဂိုးဖြင့်လည်း ကောင်း၊  နံနက် ၁၀ နာရီ ၄၅ မိနစ်တွင် Royal Brother FC အသင်းနှင့် hwe Hlan Bo FC အသင်းတို့ကစားခဲ့ရာ Royal Brother FC အသင်းက ၅ ဂိုး ၃ ဂိုးဖြင့်လည်းကောင်း အနိုင်ရရှိခဲ့သည်။

အလားတူ မွန်းလွဲ ၁၂ နာရီခွဲတွင်  Shwe Hlaing Bo FC အသင်းနှင့် Linn Latt FC အသင်းတို့ကစားခဲ့ရာ Linn Latt FC အသင်းက ၉ ဂိုး ဂိုးမရှိဖြင့်လည်း ကောင်း၊ ညနေ ၂ နာရီ ၁၅ မိနစ်တွင် Top United အသင်းနှင့် Sun Shine FC အသင်း တို့ကစားခဲ့ရာ Sun Shine FC အသင်းက ၈ ဂိုး ၂ ဂိုးဖြင့်လည်းကောင်း အသီးသီး အနိုင်ရရှိခဲ့ကြသည်။

M21 U-23 Futsal Cup Mandalay 2024 ပြိုင်ပွဲ ကွာတားဖိုင်နယ်အဆင့်ပွဲစဉ် များကို မေလ ၁၆ ရက်တွင် လည်းကောင်း၊ ဆီမီးဖိုင်နယ်အဆင့်ပွဲစဉ်များကို မေလ ၁၈ ရက်တွင်လည်းကောင်း၊ တတိယလုပွဲနှင့် ဗိုလ်လုပွဲစဉ်ကို မေလ ၂၀ ရက်တွင်လည်းကောင်း အသီးသီး ဆက်လက်ကျင်းပသွား မည်ဖြစ်ကြောင်း သိရသည်။

စည်သူအောင်