ONE Friday Fight-63 ပြိုင်ပွဲတွင် ထွန်းမင်းနိုင်(ခ)ဆူလိုင်မန် အမှတ်ဖြင့်အနိုင်ရ
ရန်ကုန် မေ ၁၇
ONE Friday Fight-63 ပြိုင်ပွဲကို မေလ ၁၇ ရက်(ယနေ့)က ထိုင်းနိုင်ငံ ဘန်ကောက်မြို့၌ ကျင်းပရာ မြန်မာဖိုက်တာ ထွန်းမင်းနိုင်(ခ) ဆူလိုင်မန် အမှတ်ဖြင့် အနိုင်ရခဲ့သည်။
ဆူလိုင်မန်သည် ဂျပန်နိုင်ငံသား တိုမိုကီဆာတိုနှင့် ယှဉ်ပြိုင်ထိုးသတ်ရခြင်း ဖြစ်ပြီး သုံးချီပြည့်သည်အထိ အရှုံးအနိုင်မပေါ်ဘဲ အမှတ်ဖြင့် ဆုံးဖြတ်ရာတွင် အနိုင်ရခဲ့ခြင်းဖြစ်သည်။ ဆူလိုင်မန်နှင့် တိုမိုကီဆာတိုသည် လက်ရည်အရ ကွာခြားမှု မရှိသော်လည်း ဆူလိုင်မန်၏လက်သီးချက်များနှင့် ခြေကန်ချက်ထိခဲ့သဖြင့် အမှတ်ဖြင့် ဆုံးဖြတ်ရာတွင် အသာရခဲ့ခြင်းဖြစ်သည်။
ထွန်းမင်းနိုင်(ခ) ဆူလိုင်မန်သည် ONE တွင် ခြောက်ပွဲထိုးသတ်ထားရာ လေးပွဲနိုင်၊နှစ်ပွဲရှုံးနိမ့်ထားသည်။ ထွန်းမင်းနိုင်သည် ဇန်နဝါရီလက မလေးရှားဖိုက်တာနှင့် ထိုးသတ်ပြီးနောက် လေးလဝန်းကျင်အကြာမှ ပြန်လည်ထိုးသတ်ရခြင်း ဖြစ်သည်။
ရဲရင့်လွင်၊ ဓာတ်ပုံ- ONE Friday MMA