U-12 Junior Soccer World Challenge ပြိုင်ပွဲတွင် မြန်မာအသင်း နောက်ဆုံးပွဲ၌ အနိုင်ရ

U-12 Junior Soccer World Challenge ပြိုင်ပွဲတွင် မြန်မာအသင်း နောက်ဆုံးပွဲ၌ အနိုင်ရ

ရန်ကုန်    ဩဂုတ်    ၂၂

U-12 Junior Soccer World Challenge  ပြိုင်ပွဲကို ဩဂုတ်လ ၂၂ ရက်က ဆက်လက်  ကျင်းပရာ မြန်မာ ယူ-၁၂ အသင်း နောက်ဆုံး ပွဲတွင် အနိုင်ရရှိသည်။

မြန်မာ ယူ-၁၂ အသင်းသည် နောက်ဆုံးပွဲအဖြစ် ဂျပန်ကလပ် ဒရာဂွန်ကာရှီဝါအသင်း နှင့် ယှဉ်ပြိုင်ကစားရာ ၁ ဂိုး ဂိုးမရှိဖြင့် အနိုင်ရရှိသည်။ မြန်မာ ယူ-၁၂ အသင်းသည် ၃၂ သင်းအဆင့်မှ ထွက်ခဲ့ရပြီးနောက် အဆင့် သတ်မှတ်ချက်အတွက် ယခုပွဲကစားရာ အနိုင်ရရှိခဲ့ခြင်း ဖြစ်သည်။ မြန်မာ ယူ-၁၂ အသင်းရရှိသည့်အဆင့်ကို ပြိုင်ပွဲအားလုံး ပြီးဆုံးမှသာ အတည်ပြုနိုင်မည် ဖြစ်သည်။ မြန်မာ ယူ-၁၂ အသင်းသည် အုပ်စုပွဲများတွင် နှစ်ပွဲနိုင်၊ တစ်ပွဲသရေ ရမှတ်ခုနစ်မှတ်ဖြင့် အုပ်စုပထမရယူပြီး နောက်တစ်ဆင့်တက် ရောက်နိုင်သော်လည်း ၃၂ သင်းအဆင့်တွင် အရေးနိမ့်သဖြင့် ၁၆ သင်းအဆင့် တက်ရောက်ခွင့်မရခဲ့ခြင်း ဖြစ်သည်။

ရဲရင့်လွင်၊ ဓာတ်ပုံ-MFF