AYA Pay Futsal Championship 2024 ပြိုင်ပွဲ အုပ်စုပွဲစဉ်များ ဆက်လက်ယှဉ်ပြိုင်ကစား
ရန်ကုန် ဩဂုတ် ၂၅
မြန်မာနိုင်ငံဘောလုံးအဖွဲ့ချုပ် ဖူဆယ်နှင့် သဲသောင်ပြင်ကော်မတီက ကြီးမှူးကျင်းပလျက်ရှိသည့် AYA Pay Futsal Championship 2024 ပြိုင်ပွဲ အုပ်စုပွဲစဉ်များကို ယနေ့နံနက် ၉ နာရီမှစတင်ပြီး ရန်ကုန်မြို့ MFF Futsal Stadium ၌ ဆက်လက်ယှဉ်ပြိုင်ကစားခဲ့ကြကြောင်း သိရသည်။
AYA Pay Futsal Championship 2024 ပြိုင်ပွဲ အုပ်စုပွဲစဉ်များအဖြစ် ယနေ့နံနက် ၉ နာရီတွင် MIU FC အသင်းနှင့် Taw Win Nan FC အသင်းတို့ကစားခဲ့ရာ သုံးဂိုးစီသရေရလဒ်ဖြင့်လည်းကောင်း၊ နံနက် ၁၀ နာရီခွဲတွင် Shwe Pyi Thar FC အသင်းနှင့် UPK FC အသင်းတို့ ကစားခဲ့ရာ UPK FC အသင်းက ၃ ဂိုး ၁ ဂိုးဖြင့်လည်းကောင်း၊ မွန်းတည့် ၁၂ နာရီတွင် VUC FC အသင်းနှင့် Power HBI အသင်းတို့ ကစားခဲ့ရာ VUC FC အသင်းက ၉ ဂိုး ဂိုးမရှိဖြင့်လည်းကောင်း အနိုင်ရရှိခဲ့သည်။
ဆက်လက်ပြီး မွန်းလွဲ ၁ နာရီခွဲတွင် Pacific Sun Far အသင်းနှင့် Naka United အသင်းတို့ကစားခဲ့ရာ Pacific Sun Far အသင်းက ၄ ဂိုး ၂ ဂိုးဖြင့်လည်းကောင်း၊ ညနေ ၃ နာရီတွင် M2K FC အသင်းနှင့် Jullniss FC အသင်းတို့ကစားခဲ့ရာ M2K FC အသင်းက ၇ ဂိုး ဂိုးမရှိဖြင့်လည်းကောင်း၊ ညနေ ၄ နာရီခွဲတွင် Let Wel Thone Nara အသင်းနှင့် YCDC Marga FC အသင်းတို့ကစားခဲ့ရာ YCDC Marga FC အသင်းက ၄ ဂိုး ၁ ဂိုးဖြင့်လည်းကောင်း အသီးသီး အနိုင်ရရှိခဲ့ကြသည်။
AYA Pay Futsal Championship 2024 ပြိုင်ပွဲ အုပ်စုပွဲစဉ်များအဖြစ် ဩဂုတ်လ ၂၆ ရက် (ယနေ့)နံနက် ၉ နာရီတွင် Futsal Chit Thu အသင်းနှင့် Bushido Team အသင်း၊ နံနက် ၁၀ နာရီခွဲတွင် M-Million FC အသင်းနှင့် Seven FC အသင်း၊ မွန်းတည့် ၁၂ နာရီတွင် MH Dream Team အသင်းနှင့် FCT Youth အသင်း၊ မွန်းလွဲ ၁ နာရီခွဲတွင် YRG FC အသင်းနှင့် Sar Bal Gyi Doh FC အသင်း၊ ညနေ ၃ နာရီတွင် Gold Dream FC အသင်းနှင့် SGF FC အသင်း၊ ညနေ ၄နာရီခွဲတွင် Pyae Sone FC အသင်းနှင့် Generations FC အသင်းတို့ ဆက်လက် ကစားသွားမည်ဖြစ်ကြောင်း သိရသည်။
စည်သူအောင်