AYA Pay Futsal Championship 2024 ပြိုင်ပွဲ အုပ်စုပွဲစဉ်များ ဆက်လက်ယှဉ်ပြိုင်ကစား
ရန်ကုန် ဩဂုတ် ၂၆
မြန်မာနိုင်ငံဘောလုံးအဖွဲ့ချုပ် ဖူဆယ်နှင့်သဲသောင်ပြင်ကော်မတီက ကြီးမှူးကျင်းပလျက်ရှိနေသည့် AYA Pay Futsal Championship 2024 ပြိုင်ပွဲ အုပ်စုပွဲစဉ်များကို ယနေ့နံနက် ၉နာရီမှစတင်ပြီး ရန်ကုန်မြို့ MFF Futsal Stadiumတွင် ဆက်လက်ယှဉ်ပြိုင်ကစားခဲ့ကြကြောင်း သိရသည်။
AYA Pay Futsal Championship 2024 ပြိုင်ပွဲ အုပ်စုပွဲစဉ်များအဖြစ် ယနေ့နံနက် ၉နာရီတွင် Futsal Chit Thu အသင်းနှင့် Bushido Team အသင်းတို့ကစားခဲ့ရာ သုံးဂိုးစီသရေရလဒ်ဖြင့်လည်းကောင်း၊ နံနက် ၁၀နာရီခွဲတွင် M-Million FC အသင်းနှင့် Seven FC အသင်းတို့ကစားခဲ့ရာ Seven FC အသင်းက ၃ ဂိုး ဂိုးမရှိဖြင့်လည်းကောင်း၊ မွန်းတည့် ၁၂ နာရီတွင် MH Dream Team အသင်းနှင့် FCT Youth အသင်းတို့ ကစားခဲ့ရာ MH Dream Team အသင်းက ၁၄ ဂိုး ၁ ဂိုးဖြင့်လည်းကောင်း အနိုင်ရရှိခဲ့သည်။
အလားတူ မွန်းလွဲ ၁နာရီခွဲတွင် YRG FC အသင်းနှင့် Sar Bal Gyi Doh FC အသင်းတို့ကစားခဲ့ရာ YRG FC အသင်းက ၁၂ ဂိုး ဂိုးမရှိဖြင့်လည်းကောင်း၊ ညနေ ၃ နာရီတွင် Gold Dream FC အသင်းနှင့် SGF FCအသင်းတို့ကစားခဲ့ရာ SGF FCအသင်းက ၉ ဂိုး ၂ ဂိုးဖြင့်လည်းကောင်း၊ ညနေ ၄ နာရီခွဲတွင် Pyae Sone Fc အသင်းနှင့် Generations FC အသင်းတို့ကစားခဲ့ရာGenerations FC အသင်းက ၃ ဂိုးဂိုးမရှိဖြင့် လည်းကောင်း အနိုင်ရရှိခဲ့ကြသည်။
AYA Pay Futsal Championship 2024 ပြိုင်ပွဲ အုပ်စုပွဲစဉ်များအဖြစ် ဩဂုတ်လ၂၇ရက် နံနက် ၉ နာရီတွင် Let Wel Youth အသင်းနှင့် TG United အသင်း၊ နံနက် ၁၀နာရီခွဲတွင် RPG FC အသင်းနှင့် Futsal 19 FC အသင်း၊ မွန်းတည့် ၁၂ နာရီတွင် Yankin Brotherhood အသင်းနှင့် KKY FCအသင်း၊ မွန်းလွဲ ၁ နာရီခွဲတွင် 7 Brother FC အသင်းနှင့် Winner Soccer အသင်း၊ ညနေ ၃ နာရီတွင် Taw Win Nan FC အသင်းနှင့် Shwe Pyi Thar United အသင်း၊ ညနေ ၄ နာရီခွဲတွင် UPK FC အသင်းနှင့် MIU FC အသင်းတို့ ဆက်လက်ကစား သွားမည်ဖြစ်ကြောင်း သိရသည်။