ပုဇွန်တောင်နှင့် တာချီလိတ်မြို့နယ်တို့တွင် စိတ်ကြွရူးသွပ်ဆေးပြားများ သိမ်းဆည်းရမိ
နေပြည်တော် ဩဂုတ် ၂၇
မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ဩဂုတ်လ ၂၆ ရက် မွန်းလွဲ ၁၂ နာရီခွဲတွင် ပုဇွန်တောင်မြို့နယ် (၈)ရပ်ကွက်ဗိုလ်တထောင်ဘုရားလမ်းရှိ ဝင်းနိုင်ဦး(ခ)ဂျမင်း၏နေအိမ်ကို သတင်းအရရှာဖွေရာ မူးယစ်ဆေးဝါး Tramadol ဆေးတောင့် ၁၉၅၀၀၀ ကိုလည်းကောင်း၊ ထို့ပြင် ယင်းနေ့ ညနေ ၄ နာရီတွင် ပူးပေါင်းအဖွဲ့သည် တာချီလိတ်မြို့ မကာဟိုခမ်းရပ်ကွက်တွင် လော်ဒိုမောင်းနှင်လာသည့် ဆိုင်ကယ်ကို ရပ်တန့်စစ်ဆေးရှာဖွေရာ စိတ်ကြွရူးသွပ်ဆေးပြား ၁၀၀၀၀ ကို လည်းကောင်း သိမ်းဆည်း ရမိခဲ့သဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာ ဥပဒေအရ အရေးယူထားကြောင်း သိရသည်။
Dates:
Wednesday, August 28, 2024 - 05:51