မန်ယူအသင်း၏ ဩဂုတ်လအတွက် တစ်လတာအကောင်းဆုံးကစားသမားဆုကို လူငယ်ကစားသမား အာမက်ဒီရယ်လို ဆွတ်ခူး
မန်ယူအသင်း၏ ဩဂုတ်လအတွက် တစ်လတာ အကောင်းဆုံးကစားသမားဆုကို လူငယ်ကစား သမား အာမက်ဒီရယ်လိုက ဆွတ်ခူးနိုင်ခဲ့ကြောင်း သိရသည်။
မန်ယူအသင်းသည် ဩဂုတ်လတစ်လတာ အကောင်းဆုံးကစားသမားဆုအတွက် ကစားသမား သုံးဦးကို ဆန်ခါတင် ကစားသမားစာရင်းရွေးချယ်ပြီး ပရိသတ်များထံမှ ဆန္ဒမဲကောက်ယူကာ ရွေးချယ် ချီးမြှင့်ခဲ့ခြင်း ဖြစ်သည်။
မန်ယူအသင်း၏ ဩဂုတ်လတစ်လတာအကောင်း ဆုံးကစားသမားဆုအတွက် ဆန်ခါတင်ကစားသမား စာရင်းတွင် အာမက်ဒီရယ်လိုသည် အသင်းဖော်များဖြစ်သည့် လူငယ်တောင်ပံကစားသမား ဂါနာချိုနှင့် တောင်ပံခံစစ် ကစားသမား မာဇာရာဝီတို့နှင့်အတူ ပါဝင်လာပြီးနောက် အသင်းဖော်များကို ကျော်ဖြတ် ကာ အသင်း၏တစ်လတာ အကောင်းဆုံးကစားသမားဆုကို ဆွတ်ခူးနိုင်ခဲ့သည်။
အာမက်ဒီရယ်လိုသည် ယခုဘောလုံးရာသီမတိုင်မီ ရာသီကြိုခြေစမ်းပွဲ ခရီးစဉ်တွင်လည်း မန်ယူအသင်း နှင့်အတူ အကောင်းဆုံး ခြေစွမ်းပြနိုင်ပြီးနောက် နည်းပြတန်ဟတ်၏ ယုံကြည်မှုကို ရယူနိုင်ခဲ့ပြီး အသင်းမှ စီနီယာ ကစားသမားများကိုကျော်ဖြတ်ကာ အသင်း ဘယ်တောင်ပံတိုက်စစ်ပိုင်းတွင် အဓိကကစားသမားအဖြစ် နှစ်ပွဲဆက် ပါဝင်ကစားခဲ့သူ ဖြစ်သည်။
ယခုဘောလုံးရာသီတွင် အာမက်ဒီရယ်လိုအနေဖြင့် နည်းပြတန်ဟတ်၏ယုံကြည်မှုနှင့်အတူ အဓိက ကစား သမားအဖြစ်ပါဝင်လာပြီး ပရီးမီးယားလိဂ်ပြိုင်ပွဲတွင် နှစ်ပွဲဆက်ပါဝင်ကစားခွင့်ရရှိကာ နှစ်ပွဲစလုံးခြေစွမ်း ပြကစားနိုင်ခဲ့ပြီး ဘရိုက်တန်အသင်းနှင့် ပွဲစဉ်တွင် တစ်ဂိုးသွင်းယူနိုင်ခဲ့သည်။
အာမက်ဒီရယ်လိုသည် ဩဂုတ်လအတွက်တစ်လ တာအကောင်းဆုံး ကစားသမားဆုကို ဆွတ်ခူးနိုင်ခဲ့ သည့်အတွက် မန်ယူအသင်း ကစားသမားဘဝ တစ်လတာအကောင်းဆုံးကစားသမားဆုကို ပထမဆုံး အကြိမ် ဆွတ်ခူးနိုင်ခဲ့ခြင်း ဖြစ်သည်။
အလားတူ မန်ယူအသင်း၏ ဩဂုတ်လတစ်လတာ အကောင်းဆုံးသွင်းဂိုးဆုကို မန်စီးတီးအသင်းနှင့် မန်ယူအသင်းတို့ ကစားသည့် ကွန်မြူနတီဒိုင်းဗိုလ်လု ပွဲစဉ်တွင် သွင်းယူ နိုင်ခဲ့သည့် သွင်းဂိုးဖြင့် လူငယ် တောင်ပံကစားသမား ဂါနာချိုက ဆွတ်ခူးနိုင်ခဲ့ကြောင်း သိရသည်။
Ref;Yahoo.com