စပိန်လာလီဂါပြိုင်ပွဲ၏ ဩဂုတ်လအတွက် တစ်လတာ အကောင်းဆုံးနည်းပြဆုကို ဘာစီလိုနာအသင်း နည်းပြ ဟန်ဆီဖလစ် ဆွတ်ခူး
မက်ဒရစ် စက်တင်ဘာ ၁၀
စပိန်လာလီဂါပြိုင်ပွဲ၏ ဩဂုတ်လအတွက် တစ်လတာ အကောင်းဆုံးနည်းပြဆုကို ဘာစီလိုနာအသင်း နည်းပြ ဟန်ဆီဖလစ် ဆွတ်ခူးနိုင်ခဲ့ကြောင်း သိရသည်။
ဟန်ဆီဖလစ်သည် ယခုဘောလုံးရာသီမှသာ ဘာစီလိုနာအသင်းကို စတင်တာဝန်ယူ ကိုင်တွယ်ခြင်း ဖြစ်ပြီး ပထမဆုံး ဘောလုံးရာသီအစတွင်ပင် အသင်းကို ရလဒ်ကောင်းများ ရရှိအောင် စွမ်းဆောင်နိုင်ခဲ့ပြီးနောက် ဩဂုတ်လအတွက် တစ်လတာအကောင်းဆုံး နည်းပြဆုကို ပထမအကြိမ် ဆွတ်ခူးနိုင်ခြင်းဖြစ်သည်။
နည်းပြ ဟန်ဆီဖလစ်သည် ဩဂုတ်လအတွင်း ကစားသည့်ပွဲစဉ်များတွင် အသင်းကို ရလဒ်ကောင်း များရရှိအောင် စွမ်းဆောင်ပေးနိုင်ခဲ့ပြီး လေးပွဲတာ၀န်ယူ ကိုင်တွယ်ရာတွင် လေးပွဲစလုံး အနိုင်ရရှိအောင် စွမ်းဆောင်ပေးနိုင်ခဲ့သည်။ နည်းပြဟန်ဆီဖလစ် လက်အောက်တွင် ဘာစီလိုနာအသင်း တိုက်စစ်ပိုင်း ပိုမိုအားကောင်းလာပြီး ကစားခဲ့သည့်ပွဲစဉ် လေးပွဲတွင် အသင်းတိုက်စစ်ပိုင်းမှ သွင်းဂိုး ၁၃ ဂိုးအထိ သွင်းယူနိုင်ခဲ့ကာ ခံစစ်ပိုင်းကလည်း သုံးဂိုးသာပေးရပြီး ပုံစံကောင်းများ ပြသနိုင်ခဲ့သည်။
နည်းပြဟန်ဆီဖလစ်လက်အောက်တွင် ဘာစီလို နာအသင်းသည် လေးပွဲကစားပြီး လေးပွဲနိုင် ရမှတ် ၁၂ မှတ်ဖြင့် အမှတ်ပေးဇယား ထိပ်ဆုံး၌ ဦးဆောင်နေကာ ရီးယဲလ်မက်ဒရစ် အသင်းကို လေးမှတ် ဖြတ်တောက်ထားကြောင်း သိရသည်။