၂၀၂၃-၂၀၂၄ ပရီးမီးယားလိဂ်ပြိုင်ပွဲ တစ်နှစ်တာအကောင်းဆုံးသွင်းဂိုးဆုကို ဂါနာချိုနှင့် တစ်နှစ်တာ အကောင်းဆုံး ဂိုးပေါက်ကာကွယ်မှုဆုကို ကာမင်စကီးတို့ဆွတ်ခူး
လန်ဒန်၊ ဘောလုံး
၂၀၂၃-၂၀၂၄ ဘောလုံးရာသီ ပရီးမီးယားလိဂ် ပြိုင်ပွဲ၏ တစ်နှစ်တာအကောင်းဆုံး သွင်းဂိုးဆုကို မန်ယူ အသင်းလူငယ် ကစားသမားဂါနာချိုနှင့် တစ်နှစ်တာ အကောင်းဆုံးဂိုးပေါက်ကာကွယ်မှုဆုကို လူတန် အသင်းဂိုးသမား ကာမင်စကီးတို့က ဆွတ်ခူးနိုင်ခဲ့ကြောင်း သိရသည်။
မန်ယူအသင်းလူငယ်ကစားသမား ဂါနာချိုသည် ပြီးခဲ့သည့် နိုဝင်ဘာလ ၂၆ ရက်က ကစားသည့် မန်ယူ အသင်းက အဲဗာတန်အသင်းကို ၃ ဂိုး- ဂိုး မရှိဖြင့် အနိုင်ရရှိသည့်ပွဲစဉ်တွင် ဂါနာချိုက လေပေါ်ရှိ ဘောလုံးအား အဲဗာတန်အသင်းဂိုးပေါက်ကို ကျောပေးပြီး နောက်ပြန်ကန်ချက်ဖြင့် လှလှပပ ဂိုးသွင်း ယူနိုင်ပြီး နောက်ပရီးမီးယားလိဂ်ပြိုင်ပွဲ၏ တစ်နှစ်တာအကောင်း ဆုံးသွင်းဂိုးဆုကို ဆွတ်ခူးနိုင်ခဲ့ခြင်း ဖြစ်သည်။
အလားတူ ဂါနာချိုသည် အဆိုပါသွင်းဂိုးဖြင့်ပင် မန်ယူအသင်း၏ တစ်နှစ်တာအကောင်းဆုံးသွင်းဂိုးဆု ကိုလည်း ဆွတ်ခူးနိုင်ခဲ့သည့်အပြင် ကမ္ဘာ့အကောင်းဆုံး သွင်းဂိုးဆုအတွက် ဆန်ခါတင် သွင်းဂိုးစာရင်း တွင်လည်း ပါဝင်လာဖွယ်ရှိနေသည်။
ထို့ပြင် လူတန်အသင်းဂိုးသမား ကာမင်စကီးသည် ပြီးခဲ့သည့် နိုဝင်ဘာလ ၂၅ ရက်က လူတန်အသင်းနှင့် ခရစ္စတယ်ပဲလေ့စ်အသင်းတို့ ကစားသည့်ပွဲစဉ်တွင် ခရစ္စတယ်ပဲလေ့စ်အသင်း၏ ဂိုးပေါက်ကန်သွင်း ချက် နှစ်ကြိမ်ဆက် ကာကွယ်နိုင်ခဲ့ပြီးနောက် ဂိုးပေါက် ကာကွယ်မှုဆုကို ဆွတ်ခူးနိုင်ခဲ့ခြင်းဖြစ်ကြောင်း သိရသည်။
Ref;The Athletic