ဖီဖာအကောင်းဆုံးဆု ဆန်ခါတင်သုံးဦး မက်ဆီ စီရော်နယ်ဒိုနှင့် လီဝန်ဒေါစကီးတို့ကို ရွေးချယ်

ဖီဖာ  တစ်နှစ်တာအကောင်းဆုံးဆုများ အတွက် ဆန်ခါတင်သုံးဦးစာရင်းကို ဒီဇင်ဘာ ၁၁ ရက်က ထုတ်ပြန်ကြေညာခဲ့ရာ တစ်နှစ်တာအကောင်းဆုံး အမျိုးသားကစားသမားဆုတွင် မက်ဆီ၊ စီရော်နယ်ဒိုနှင့် လီဝန်ဒေါစကီး တို့ ရွေးချယ်ခံရသည်။

တခြားသော    အကောင်းဆုံးဆုများအတွက်    ဆန်ခါတင်စာရင်းများလည်း ထုတ်ပြန်ခဲ့ရာ   အကောင်းဆုံးနည်းပြဆု အတွက်  လိဒ်ယူနိုက်တက် အသင်းကို ၁၆ နှစ်ကြာဝေးကွာနေသော  ပရီးမီးယားလိဂ်သို့   ပြန်လည်တင်ပေးနိုင်ခဲ့သည့်   အာဂျင်တီးနားနိုင်ငံသား ဝါရင့်နည်းပြကြီး မာဆယ်လို ဘီယဲလ်ဆာလည်း ဆန်ခါတင်သုံးဦးစာရင်းတွင် ဘိုင်ယန်နည်းပြ   ဟန်စ်ဒီတာဖလစ်၊ လီဗာပူးနည်းပြ ဂျာဂန်ကလော့တို့နှင့်အတူ ရွေးချယ်ခံရသည်။

အကောင်းဆုံး    ဂိုးသမားဆုအတွက် လီဗာပူးနှင့် ဘရာဇီးဂိုးသမား အယ်လစ်ဆန်၊  ဂျာမနီနှင့် ဘိုင်ယန်ဂိုးသမား  နူအာ၊ ဆလိုဗေးနီးယားနှင့် အက်သလက်တီကို ဂိုးသမား အိုဘလက်ခ်တို့ ရွေးချယ်ခံရသည်။

အလှဆုံးဂိုးဆုအတွက် ဘန်လေနှင့်ပွဲ၌ စပါးအတွက်  ဆွန်ယောင်မင်သွင်းသည့်ဂိုး၊ မာယော့ကာနှင့်ပွဲ၌   ဘာစီလိုနာ အတွက် ဆွာရက်ဇ်သွင်းသည့်ဂိုးနှင့် တခြားတစ်ဂိုးတို့ ရွေးချယ်ခံရသည်။ 

Ref:Dailymail