နည်းပြ ဂွါဒီယိုလာနောက်ပိုင်း အဝေးကွင်း သုံးပွဲဆက်နိုင်ပွဲ ရရှိသည့် ဘိုင်ယန်မြူးနစ်အသင်း နည်းပြအဖြစ် နည်းပြကွန်ပနီ မှတ်တမ်းဝင်
ဘာလင် စက်တင်ဘာ ၂၂
ဂျာမန်ဘွန်ဒက်စ်လီဂါပွဲစဉ်အဖြစ် ကစားခဲ့သည့် ဝါဒါဘရီမင်အသင်းနှင့် ဘိုင်ယန်မြူးနစ် အသင်းတို့ ပွဲစဉ်တွင် ဘိုင်ယန်မြူးနစ်အသင်းက အဝေးကွင်း၌ ၅ ဂိုး-ဂိုးမရှိဖြင့်အနိုင်ရရှိပြီးနောက် နည်းပြဂွါဒီယိုလာနောက်ပိုင်း ဂျာမန်ဘွန်ဒက်စ်လီဂါ ပြိုင်ပွဲတွင် အဝေးကွင်းသုံးပွဲဆက် အနိုင်ရရှိသည့် ဘိုင်ယန်မြူးနစ် အသင်းနည်းပြအဖြစ် နည်းပြကွန်ပနီ မှတ်တမ်းဝင်ခဲ့ကြောင်း သိရသည်။
အဆိုပါပွဲစဉ်တွင် ဘိုင်ယန်မြူးနစ် အသင်းအတွက် သွင်းဂိုးများကို ပွဲချိန် ၂၃ မိနစ်နှင့် မိနစ် ၆၀ တွင် အိုလီ ဆီ၊ ပွဲချိန် ၃၇ မိနစ်တွင် မူစီအာလာ၊ ပွဲချိန် ၅၇ မိနစ် တွင် ဟယ်ရီကိန်းနှင့် ပွဲချိန် ၆၅ မိနစ်တွင် ဂါနာဘီတို့ က သွင်းယူပေးခဲ့ခြင်းဖြစ်သည်။
ဘိုင်ယန်မြူးနစ်အသင်းသည် ဂျာမန်ဘွန်ဒက်စ်လီဂါပြိုင်ပွဲတွင် အဝေးကွင်းပွဲစဉ်များ အဖြစ် ဝုဖ်ဘတ် အသင်းနှင့်ပွဲစဉ်တွင် ၃ ဂိုး-၂ ဂိုး၊ ဟော်စတိန်းကယ် အသင်းနှင့်ပွဲစဉ်တွင် ၆ ဂိုး-၁ ဂိုးနှင့် ဝါဒါဘရီမင်အသင်းနှင့် ပွဲစဉ်တွင် ၅ ဂိုး-ဂိုးမရှိဖြင့် သုံးပွဲဆက်အနိုင်ရရှိပြီးနောက် မှတ်တမ်းကောင်း တစ်ရပ်ရရှိခဲ့ခြင်းဖြစ်သည်။
ဘိုင်ယန်မြူးနစ်အသင်းတွင် ၂၀၁၅-၂၀၁၆ ဘောလုံးရာသီက နည်းပြဟောင်းဂွါဒီယိုလာ ကိုင်တွယ်စဉ်က အဝေးကွင်းသုံးပွဲဆက် အနိုင်ရရှိပြီး နည်းပြဂွါဒီယိုလာ နောက်ပိုင်းတွင် အဝေးကွင်းသုံးပွဲဆက် နိုင်ပွဲမရရှိခဲ့ဘဲ ယခုအခါမှသာ နည်းပြ ကွန်ပနီလက်ထက်တွင် နိုင်ပွဲပြန်လည် ရရှိခဲ့ခြင်းဖြစ်ကြောင်း သိရသည်။