AYA Bank Mandalar Futsal League 2024 ပြိုင်ပွဲ ပွဲစဉ်(၇)ပွဲစဉ်များ ဆက်လက်ကျင်းပ

AYA Bank Mandalar Futsal League 2024 ပြိုင်ပွဲ ပွဲစဉ်(၇)ပွဲစဉ်များ ဆက်လက်ကျင်းပ

မန္တလေး  အောက်တိုဘာ  ၂၇

    မန္တလေးတိုင်းဒေသကြီး    ဖူဆယ်နှင့် သဲသောင်ပြင်ကော်မတီက ကြီးမှူးကျင်းပလျက်ရှိသည့် AYA Bank Mandalar Futsal League 2024 ပြိုင်ပွဲ ပွဲစဉ်(၇)ပွဲစဉ်များကို ယနေ့နံနက် ၈ နာရီမှစတင်ပြီး မန္တလေးမြို့ မန္တလာသီရိ အားကစားကွင်းရှိ ဘက်စုံသုံး အားကစားရုံ၌  ဆက်လက်ကျင်းပခဲ့ကြောင်း သိရသည်။

AYA Bank Mandalar Futsal League 2024 ပြိုင်ပွဲ ပွဲစဉ်(၇)ပွဲစဉ်များကို ယနေ့နံနက် ၈ နာရီတွင် Pyae Sone အသင်းနှင့် BTB အသင်းတို့ကစားခဲ့ရာ Pyae Sone အသင်းက ၁၁ ဂိုး ၁ ဂိုးဖြင့်လည်းကောင်း၊ နံနက် ၉ နာရီ ၄၅ မိနစ်တွင် Arr Man အသင်းနှင့် MNN အသင်းတို့ကစားခဲ့ရာ  Arr Man အသင်းက ၅ ဂိုး ဂိုးမရှိဖြင့် လည်းကောင်း၊   နံနက် ၁၁ နာရီခွဲတွင်   135 Family အသင်းနှင့် Black Wolves အသင်းတို့ ကစားခဲ့ရာ 135 Family အသင်းက ၃ ဂိုး ၂ ဂိုးဖြင့်လည်းကောင်း အသီးသီး အနိုင်ရရှိခဲ့ကြသည်။

အလားတူ မွန်းလွဲ ၁ နာရီ ၁၅ မိနစ်တွင် KH အသင်းနှင့် AKS အသင်းတို့ ကစားခဲ့ရာ AKS အသင်းက ၉ ဂိုး  ဂိုးမရှိဖြင့် အနိုင်ရရှိခဲ့ပြီး  ညနေ ၃ နာရီတွင် Mogyo အသင်းနှင့်      TG United အသင်းတို့ ကစားခဲ့ရာ Mogyo အသင်းက ၁ ဂိုး ဂိုးမရှိဖြင့် အသီးသီး အနိုင်ရရှိခဲ့ကြသည်။

AYA Bank Mandalar Futsal League 2024  ပြိုင်ပွဲ    ပွဲစဉ်(၈)ပွဲစဉ်များအဖြစ် အောက်တိုဘာလ ၃၀ ရက် နံနက် ၈ နာရီတွင် KH အသင်းနှင့် 135 Family အသင်း၊  နံနက် ၉ နာရီ ၄၅ မိနစ်တွင် TG United အသင်းနှင့် BTB အသင်း၊ နံနက် ၁၁ နာရီခွဲတွင် MNN အသင်းနှင့် AKS အသင်း၊ မွန်းလွဲ ၁ နာရီ ၁၅ မိနစ်တွင် Arr Man အသင်းနှင့် Black Wolves  အသင်း၊ ညနေ ၃ နာရီတွင် Mogyo အသင်းနှင့် Pyae Sone  အသင်းတို့ အသီးသီး ဆက်လက်ကစား သွားမည်ဖြစ်ကြောင်း သိရသည်။