MYANMAR FOOTBALL ACADEMIES TOURNAMENT 2024 ပြိုင်ပွဲစတင်ကျင်းပ

MYANMAR FOOTBALL ACADEMIES TOURNAMENT 2024 ပြိုင်ပွဲစတင်ကျင်းပ

ရန်ကုန်    နိုဝင်ဘာ    ၂

မြန်မာနိုင်ငံဘောလုံးအဖွဲ့ချုပ်ကကြီးမှူး ပြီး ရန်ကုန်၊ မန္တလေး၊ နေပြည်တော် အကယ် ဒမီအသင်းများ၊ ISPE အသင်းများ ပါဝင် ယှဉ်ပြိုင်လျက်ရှိသည့်  MYANMAR FOOT-BALL ACADEMIES TOURNAMENT 2024 ပြိုင်ပွဲကို ယနေ့မှစတင်ပြီး ရန်ကုန်မြို့တွင်  ကျင်းပခဲ့ကြောင်း သိရသည်။

MYANMAR FOOTBALL ACADEMIES TOURNAMENT 2024 ပြိုင်ပွဲကို   ရန်ကုန်၊  မန္တလေး၊ နေပြည်တော် အကယ်ဒမီအသင်း များ၊ အားကစားနှင့် ကာယပညာသိပ္ပံမှ  ISPE  အသင်းများဖြင့်   ယနေ့မှစတင်ပြီး နိုဝင်ဘာလ ၆ ရက်ထိ ရန်ကုန်မြို့တွင် ကျင်းပသွားမည်ဖြစ်သည်။

MYANMAR  FOOTBALL  ACADEMIES TOURNAMENT  2024 ပြိုင်ပွဲ  ယနေ့ပွဲစဉ်များ အဖြစ်  ယနေ့နံနက် ၇ နာရီခွဲတွင် လေ့ကျင့် ရေးကွင်း(၂)၌   ရန်ကုန်အကယ်ဒမီ(B) အသင်းနှင့် မန္တလေးအကယ်ဒမီ(C )အသင်း တို့ကစားခဲ့ရာ ရန်ကုန်အကယ်ဒမီ(B)အသင်း  က ၁ ဂိုး ဂိုးမရှိဖြင့်လည်းကောင်း၊ လေ့ကျင့် ရေးကွင်း(၁)တွင် ISPE (မော်လမြိုင်)အသင်း နှင့် ISPE(မုံရွာ)အသင်းတို့ကစားခဲ့ရာ ISPE (မော်လမြိုင်)အသင်းက ၄ ဂိုး ၂ ဂိုးဖြင့်လည်း ကောင်း အသီးသီးအနိုင်ရရှိခဲ့ကြသည်။

အလားတူ ညနေ ၃ နာရီခွဲတွင် လေ့ကျင့် ရေးကွင်းအမှတ်(၁)၌  ရန်ကုန်အကယ်ဒမီ(A)အသင်းနှင့်    မန္တလေးအကယ်ဒမီ(B)အသင်းတို့ကစားခဲ့ရာ ရန်ကုန်အကယ်ဒမီ(A)အသင်းက ၁ ဂိုး ဂိုးမရှိဖြင့်လည်းကောင်း၊ လေ့ကျင့်ရေးကွင်းအမှတ်(၂)တွင် ISPE(မန္တလေး)အသင်းနှင့် ISPE(ရန်ကုန်)အသင်း တို့ကစားခဲ့ရာ ISPE(မန္တလေး)အသင်းက ၅ ဂိုး ၁ ဂိုးဖြင့်လည်းကောင်း အသီးသီးအနိုင်ရရှိခဲ့ကြကြောင်း သိရသည်။