နေပြည်တော် ဒီဇင်ဘာ ၂၀
တနင်္သာရီတိုင်းဒေသကြီး၊ ကော့သောင်းမြို့အနီး မြန်မာ့ပင်လယ်ပြင်အတွင်း လုံခြုံရေး ဆောင်ရွက်လျက်ရှိသော တပ်ဖွဲ့ဝင်များသည် ယနေ့နံနက် ၉ နာရီ ၄၅ မိနစ်ခန့်တွင် ပန်းတောင်းကျွန်း၏ အနောက်တောင်ဘက် ရေမိုင် ၆ မိုင်ခန့်အကွာ၌ မသင်္ကာဖွယ်လှေတစ်စင်းတွေ့ရှိသဖြင့် အချက်ပြခေါ်ယူရာ လာရောက်ခြင်းမရှိသဖြင့် လိုက်လံဖမ်းဆီးစဉ် ပြင်စဘုကျွန်း၏ အရှေ့တောင်ဘက် ရေမိုင် ၁၀ မိုင်ခန့်အကွာသို့ အရောက်၌ အလျား ၃၈ ပေ၊ အနံ ၅ ပေ၊ ရေစူး ၂ ပေခန့်ရှိ လှေတစ်စင်းပေါ်မှ အမျိုးသားတစ်ဦးကို WY စာတန်းပါ စိတ်ကြွရူးသွပ်ဆေးပြား ၁၁၁ ပြား(ခန့်မှန်းတန်ဖိုးငွေ ကျပ်သုံးသိန်းကျော်) နှင့်အတူ ဖမ်းဆီးရမိခဲ့သည်။
အဆိုပါ ဖမ်းဆီးရမိသူ၊ လှေနှင့်မူးယစ်ဆေးဝါးများအား ကျွန်းစုမြို့နယ်၊ မြို့မရဲစခန်းသို့ စနစ်တကျ လွှဲပြောင်း အပ်နှံသွားမည် ဖြစ်ကြောင်း သတင်းရရှိသည်။