နေပြည်တော် ဒီဇင်ဘာ ၂၁
တနင်္သာရီတိုင်းဒေသကြီး၊ ပုလောမြို့နယ်၊ လက္ကူးကျေးရွာရှိ ဦးဝင်းစိန်(ဘ) ဦးဝင်းရှီ၏ နေအိမ်အား ဒီဇင်ဘာ ၁၉ ရက်ညနေ ၅ နာရီခန့်တွင် သတင်းအရလုံခြုံရေး တပ်ဖွဲ့ဝင်များက သွားရောက်စစ်ဆေးရာ ဦးဝင်းစိန်အပါအဝင် အမျိုးသားငါးဦးကို WY စာတန်းပါ စိတ်ကြွရူးသွပ်ဆေးပြား ၃၁၈၆ ပြားနှင့် ICE ၆၇ ဂရမ်(စုစုပေါင်း ခန့်မှန်းတန်ဖိုးငွေ ကျပ်သိန်းပေါင်း ၁၁၀ ကျော်)နှင့်အတူ ဖမ်းဆီးရမိခဲ့သည်။
အဆိုပါ မူးယစ်ဆေးဝါး များနှင့်အတူ ဖမ်းဆီးရမိသူများအား ပုလောမြို့မရဲစခန်းသို့ စနစ်တကျ လွှဲပြောင်း အပ်နှံခဲ့ကြောင်း သတင်းရရှိသည်။