နေပြည်တော် ဒီဇင်ဘာ ၂၆
ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာအုပ်စု၊ လယ်ပြင်ကျေးရွာ၊ လယ်ပြင်ပူးပေါင်းစစ်ဆေးရေးဂိတ်၌ လုံခြုံရေးတပ်ဖွဲ့ဝင်များ ပါဝင်သော ပူးပေါင်းအဖွဲ့က ယာဉ် ဖြတ်သန်းသွားလာမှုများအား စစ်ဆေးစဉ် ဒီဇင်ဘာ ၂၄ ရက် ညနေ ၅ နာရီခွဲခန့်တွင်မိုးညှင်းမြို့ဘက်မှ ဖားကန့်မြို့ဘက်သို့ အိုက်မွန်း(ဘ)ဦးအောင်သိန်း မောင်းနှင်လာသည့် NISSAN ADVAN အမျိုးအစား မော်တော်ယာဉ်အမှတ်၊YGN 5M/----ယာဉ်အား ရပ်တန့်စစ်ဆေးရာ ယာဉ်ပေါ်မှ ဆပ်ပြာ ခွက် ၇၇ ခွက်ဖြင့် ထည့်ထားသည့် ဘိန်းဖြူ၆၉၃ ဂရမ်ခန့်(စုစုပေါင်း ခန့်မှန်းတန်ဖိုးငွေ ကျပ်သိန်း ၄၈ဝ ကျော်)နှင့်အတူ ဖမ်းဆီးရမိခဲ့သည်။
ဖမ်းဆီးရမိသူအား စိစစ်မေးမြန်းချက် အရ အဆိုပါ မူးယစ်ဆေးဝါးများအား မိုးညှင်းမြို့မှ တင်ဆောင်ပေးလိုက်ခြင်း ဖြစ်ကြောင်း သိရှိရပြီး မူးယစ်ဆေးဝါးများနှင့် ပတ်သက်ဆက်နွှယ်သူ လုံးခင်း ကျေးရွာ၊ ရပ်ကွက်(၁)နေ မနိုင်(ဘ)ဦးအောင်သိန်း ဆိုသူအား လုံးခင်းဈေးဘောလုံးကွင်းအနီးရှိ ၎င်း၏ နေအိမ်၌ ထပ်မံဖမ်းဆီးခဲ့သည်။
အဆိုပါ မော်တော်ယာဉ်၊ မူးယစ်ဆေးဝါးများနှင့်အတူ ဖမ်းဆီးရမိသူများအား လုံးခင်းနယ်မြေရဲစခန်းသို့ စနစ်တကျ လွှဲပြောင်း အပ်နှံခဲ့ကြောင်း သတင်း ရရှိသည်။