မက်ဆီက မိမိဘဝတွင် အကောင်းဆုံးသော နည်းပြနှစ်ဦးထဲတွင် ဘာစီလိုနာ၌ လက်တွဲခဲ့သည့် နည်းပြဂွါဒီယိုလာသည် ကမ္ဘာ့အကောင်းဆုံး နည်းပြနှစ်ဦးထဲတွင် ပါဝင်သည်ဟု ချီးကျူး ပြောကြားခဲ့သည်။
မက်ဆီသည် ပြီးခဲ့သည့်နွေရာသီ အပြောင်းအရွှေ့ဈေးကွက် ကတည်းက ဘာစီလိုနာမှ ထွက်ခွာပြီး မန်စီးတီးသို့ ပြောင်းရွှေ့ရန် အလွန်နီးစပ်ခဲ့သော်လည်း အသင်းက အလွတ်ထွက်ခွာခွင့် မပြုသဖြင့် စာချုပ်လက်ကျန်တစ်နှစ်ကို ဘာစီလိုနာတွင် ဆက်ကစားပေးနေခြင်း ဖြစ်သည်။ သို့သော် သတင်းများအရ မက်ဆီသည် ဇန်နဝါရီဈေးကွက်မှာပင် မန်စီးတီးအသင်းသို့ ပြောင်းရွှေ့လာနိုင်သည်ဟု သတင်းထွက်နေချိန်တွင် မက်ဆီက မန်စီးတီးနည်းပြ ဂွါဒီယိုလာကို ယခုကဲ့သို့ ချီးကျူးခဲ့ခြင်းဖြစ်သည်။
မက်ဆီက ပပ်(ဂွါဒီယိုလာ)က တကယ့်ကို ထူးခြားထက်မြက်တဲ့ နည်းပြပါ။ သူ့ရဲ့ပွဲတစ်ပွဲအတွက် ပြင်ဆင်ပုံ၊ ခံစစ်ကို ပြင်ဆင်ပုံ၊ တိုက်စစ်ကို ပြင်ဆင်ပုံတွေက အသေးစိတ်တိကျ ကောင်းမွန်လွန်းတယ်ဟု ချီးကျူးပြောကြားခဲ့သည်။
Ref:La Sexta