နေပြည်တော်၊ သြဂုတ် - ၁၈
ရှမ်းပြည်နယ်(တောင်ပိုင်း)၊ တောင်ကြီးမြို့ရှိ ရှမ်းပြည်နယ်ဗုဒ္ဓတက္ကသိုလ် ကမ္ဘာ့ဗုဒ္ဓ သာသနာပြု အောက်စဖိုဒ့် ဆရာတော် ပါမောက္ခ ဒေါက်တာ ဘဒ္ဒန္တ ဓမ္မသာမိအား ယနေ့ နံနက်ပိုင်းတွင် အရှေ့ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် လင်းအောင်နှင့် အဖွဲ့ဝင်များက သွားရောက်ဖူးမြော်၍ ဗုဒ္ဓတက္ကသိုလ်တွင် စိုက်ပျိုးမည့် ထင်းရှူး၊ ကျွန်း၊ မဟော်ဂနီ၊ စိန်ပန်းပြာ၊ စိန်ပန်းနီ၊ ခါတော်မီပင်များအား ဆက်ကပ်လှူဒါန်းသည်။ ဆက်လက်၍ တိုင်းမှူးနှင့် အဖွဲ့ဝင်များက အင်ကြင်းပင်၊ လင်းလွန်းပင်နှင့် လှူဒါန်းထားသော အပင်များအား အမှတ်တရ စိုက်ပျိုးပေး ခဲ့ကြောင်း သတင်းရရှိသည်။