အဲဗာတန်အသင်းသည် အက်ဖ်အေဖလား စတုတ္ထပွဲစဉ်အဖြစ် ဇန်နဝါရီ ၂၄ ရက်ညက ချန်ပီယံရှစ်ကလပ် ရှက်ဖီးလ်ဝင့်စ်ဒေးနှင့် ယှဉ်ပြိုင်ကစားရာ သုံးဂိုးပြတ်အနိုင်ရရှိခဲ့သည်။ အဲဗာတန်အတွက် အဖွင့်ဂိုးသွင်းသည့် ကလာဗတ်လီဝင်သည် ယခုရာသီ အသင်းအတွက် ၁၅ ဂိုးမြောက်သွင်းယူခြင်း ဖြစ်ကာ ရီချာလစ်ဆန်နှင့် မီနာတို့နှစ်ဦး၏ ဂိုးများသည်လည်း ကွင်းလယ်ကြယ်ပွင့် ဂျိမ်းစ်ရိုဒရီဂွက်ဇ်၏ ထောင့်ကန်ဘောများမှ ခေါင်းတိုက်သွင်းယူခဲ့ခြင်း ဖြစ်သည်။ ထိုပွဲ၌ ပွဲပြီးရန်ငါးမိနစ်အလိုတွင် လူစားဝင်ကစားခဲ့သည့် ၁၆ နှစ်အရွယ် သီယာရီစမောသည် အဲဗာတန်အသင်း သမိုင်းတွင် အသက်အငယ်ဆုံးကစားသမား ဖြစ်လာသည်။
Ref:Dailymail