ပရီးမီးယားလိဂ်တွင် တန်းဆင်းဇုန် အတွင်းရောက်ရှိနေသော ဝက်စ်ဘရွန်းအသင်းသည် တူရကီကလပ် ဂါလာတာ ဆာရေးအသင်းမှ အသက် ၂၉ နှစ် အရွယ် ဆီနီဂေါလက်ရွေးစင်တိုက်စစ်မှူး အမ်ဘာရီဒီယက်ဂနီကို ရာသီကုန် အထိ အငှားစာချုပ်ဖြင့် ခေါ်ယူလိုက်သည်။
ဒီယက်ဂနီသည် ယခုရာသီ ဂါလာတာဆာရေးအတွက် ၁၉ ပွဲကစားခဲ့ရာ ၁၁ ဂိုးသွင်းထားပြီး ကလပ်အသင်း ကစားသမား ဘဝတစ်လျှောက် ပွဲပေါင်း ၁၇၀ ကစားခဲ့မှုတွင် ၉၄ ဂိုးအထိ သွင်းနိုင်ခဲ့သူလည်း ဖြစ်သည်။ ဝက်စ်ဘရွန်းနည်းပြ ဆမ်အလာဒိုက်စ်က ဒီယက်ဂနီကိုခေါ်ယူရန် ညှိနှိုင်းနေသည်မှာ ကြာခဲ့ပြီဖြစ်ပြီး ယခုမှသာ အောင်မြင်စွာ ခေါ်ယူနိုင်ခဲ့ခြင်း ဖြစ်ကြောင်း ပြောသည်။
Ref:Dailymail