နေပြည်တော် ၊ သြဂုတ် - ၁၉
ရန်ကုန်တိုင်းဒေသကြီး၊ ကော့မှူးမြို့နယ်၊ မကျီးတန်းရပ်ကွက်ရှိ နေခြည်သစ် တည်းခိုခန်းသို့ သြဂုတ် ၁၈ ရက် ညနေ ၄ နာရီ ၂၀ မိနစ်ခန့်တွင် သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးရာ အဆိုပါ တည်းခိုခန်း၌ လာရောက် တည်းခိုသည့် အောင်ပိုင်စိုး(ဘ) ဦးအေးသန်းထံမှ လုပ်သေနတ် ၁ လက်၊ သံဘောစေ့ ၁၀၀ လုံးစီ ထည့်ထားသည့် သံဗူး ၄ ဘူး၊ အရိုးအသွား ၁၀ လက်မခန့်ရှိ ဓားဦးချွန် ၁ လက်တို့ကို တွေ့ရှိ သိမ်းဆည်းရမိခဲ့သည်။
အဆိုပါ လုပ်သေနတ်၊ ဆက်စပ်ပစ္စည်း များနှင့်အတူ ဖမ်းဆီးရမိသူအား ကော့မှူးမြို့မရဲစခန်းသို့ စနစ်တကျ လွှဲပြောင်း အပ်နှံခဲ့ကြောင်း သတင်းရရှိသည်။