နေပြည်တော် ဖေဖော်ဝါရီ ၁၅
ကျန်းမာရေးနှင့် အားကစား ဝန်ကြီးဌာနက ယနေ့ည ၈နာရီတွင် COVID-19 ရောဂါ စောင့်ကြပ်ကြည့်ရှုမှုနှင့် ပတ်သက် ၍ သတင်းထုတ်ပြန်ချက် အရ ယနေ့ဓာတ်ခွဲ အဖြေများ၌ COVID-19 ရောဂါပိုးတွေ့ လူနာ ၃၆ ဦးနှင့် သေဆုံးသူ တစ်ဦးရှိကြောင်း သိရသည်။
(၁၄-၂-၂ဝ၂၁) ရက် ည ၈ နာရီမှ (၁၅-၂-၂ဝ၂၁) ရက် ည ၈ နာရီအတွင်း ဓာတ်ခွဲ နမူနာစုစုပေါင်း ၈၈၇ ခုအား စစ်ဆေးပြီးစီးခဲ့ရာ COVID-19 ရောဂါဓာတ်ခွဲအတည်ပြုလူနာသစ် ၃၆ ဦး တွေ့ရှိရသည်။ သို့ဖြစ်ပါ၍ ယနေ့အထိ ဓာတ်ခွဲနမူနာ စုစုပေါင်း ၂၄၇၆၇၉၇ ခုအား စစ်ဆေးခဲ့ပြီး COVID-19 ဓာတ်ခွဲအတည်ပြု လူနာ စုစုပေါင်း ၁၄၁၆၃၇ ဦးရှိပြီဖြစ်သည်။
ယနေ့တွင် ဆေးရုံဆင်းခွင့်ရရှိသူ ၁၃၄ ဦးဖြစ်သဖြင့် ယနေ့အထိ စုစုပေါင်း ၁၃ဝ၄၆၅ ဦး ဆေးရုံမှဆင်းခွင့် ရရှိပြီး ဖြစ်သည်။ COVID-19 ရောဂါဖြင့် ထပ်မံသေဆုံးသူတစ်ဦးရှိသဖြင့် ယနေ့အထိ သေဆုံးသူ စုစုပေါင်း ၃၁၉ဝ ဦး ရှိသည်။
ပြည်သူလူထုအနေဖြင့် ကျန်းမာရေးနှင့် အားကစားဝန်ကြီးဌာနမှ တစ်ပြည်လုံး အတိုင်းအတာဖြင့် ဆောင်ရွက်နေ သည့် ''ပါးစပ်နှင့်နှာခေါင်းစည်းမဖြစ်မနေတပ်ဆင် ရေးလူထုလှုပ်ရှားမှုစီမံချက် (mask and face shield campaign) '' ၌ ပါဝင်သော ဆောင်ရွက်ရမည့်အချက်များကို တက်ကြွစွာ ပူးပေါင်းပါဝင်ဆောင်ရွက်ခြင်းနှင့် ''တစ်ဦး ကိုတစ်ဦး အသိပေးခြင်း/ သတိပေးခြင်း မိသားစုစီမံချက်'' အတိုင်း COVID-19 ရောဂါ ကာကွယ်ရေး နည်းလမ်းများအား အသိပေးခြင်းနှင့် သတိပေးခြင်းတို့ဆောင်ရွက်မှသာလျှင် ရောဂါကူး စက်ပြန့်ပွား မှုကို အမြန်ဆုံး ထိန်းချုပ်နိုင်မည်ဖြစ်ကြောင်း ကျန်းမာရေးနှင့်အားကစားဝန်ကြီးဌာနက သတင်း ထုတ်ပြန်ထားသည်။