နေပြည်တော် ၊ သြဂုတ် - ၂၃
ရှမ်းပြည်နယ်(မြောက်ပိုင်း)၊ ကွမ်းလုံမြို့နယ်၊ တာတိလင်းကျေးရွာနေ ဒေါ်အန်းရှန်း (ဘ)ဦးလော်လောက်အဲ ၏နေအိမ်သို့ ယနေ့နေ့လယ် ၁၂ နာရီခန့်တွင် သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးရာ ဒေါ်အန်းရှန်း ကို နေအိမ်၏ အနောက်ဘက်ခြံစည်းရိုး အုတ်တံတိုင်း အောက်ခြေ၌ ဝှက်ထားသည့် A-1 စာတန်းပါ ပန်းရောင်စိတ်ကြွရူးသွပ် ဆေးပြား ၃၄၅၀ ပြားနှင့် ဘိန်းဖြူ ၆၀ ဂရမ် (ခန့်မှန်းတန်ဖိုးငွေကျပ် သိန်း ၈၀ ကျော်) နှင့်အတူ ဖမ်းဆီးရမိခဲ့သည်။
အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူအား ကွမ်းလုံမြို့ မူးယစ်တပ်ဖွဲ့စု သို့ စနစ်တကျ လွှဲပြောင်းအပ်နှံ ခဲ့ကြောင်း သတင်းရရှိသည်။