ဆူပူအကြမ်းဖက်မှုများဆောင်ရွက်ရာတွင်အသုံးပြုသည့် လက်နက်များနှင့် ဆက်စပ်ပစ္စည်းများ  ထပ်မံဖမ်းဆီးရမိ

နေပြည်တော်၊ မတ် - ၃၀

ဆူပူအကြမ်းဖက် သူများအသုံးပြုလျက်ရှိသည့် လက်နက်များနှင့်ပစ္စည်းများ သိုဝှက်ထားမှုနှင့် ကိုင်ဆောင်မှုများကို လုံခြုံရေးတပ်ဖွဲ့ဝင်များက စစ်ဆေးရှာဖွေသတင်းဖော်ထုတ် ဖမ်းဆီးထိန်းသိမ်းခြင်းများ ဆောင်ရွက်လျက်ရှိရာ မတ် ၂၉ ရက်တွင် လားရှိုးမြို့၊ ရပ်ကွက်(၁၁)၊ နယ်မြေ(၇)၌ မောင်အိုက်လာ(ဘ)ဦးအိုက်ပီး အား လက်လုပ်သေနတ် ၂ လက်၊ အခြားဆက်စပ် ပစ္စည်းများဖြင့်လည်းကောင်း၊ မူဆယ်မြို့၊ တောင်ရပ်ကွက်၊ ကမ္ဘောဇဘဏ်(၁)ရှေ့၌ ဆူပူအကြမ်းဖက်သူ ၃၀ ဦးခန့်က  အုတ်ခဲ၊ ပုလင်းများဖြင့် လုံခြုံရေးတပ်ဖွဲ့ဝင်များအား ရန်ပြု တိုက်ခိုက်လာသဖြင့် အဓိကရုဏ်းနှိမ်နင်းရေးလက်နက်ဖြင့် ခြောက်လှန့်ပစ်ခတ် လူစုခွဲခဲ့ရာ ၎င်းတို့အနက်မှ ဟိန်းမင်းဦး(ခ)ဆံရှည်(ဘ)ဦးမြင့်ထူးအပါအဝင် အမျိုးသား ၇ ဦး၊ တို့အား ဓား ၃  ချောင်း၊ အခြားဆက်စပ်ပစ္စည်းများဖြင့် လည်းကောင်း၊ မင်္ဂလာဒုံမြို့နယ်၊ ပေါက်ကုန်း ရပ်ကွက်ရှိ ကျူးကျော်တဲတစ်လုံးအတွင်းမှ လက်လုပ်သေနတ် ၄ လက်၊ မီးစာတပ်ထားသည့် ဓာတ်ဆီပုလင်း ၄၆ လုံး၊ အခြားဆက်စပ်ပစ္စည်းများအားလည်းကောင်း၊ ဒဂုံမြို့သစ်(မြောက်ပိုင်း) မြို့နယ်၊ ပင်လုံရင်ပြင်၌ လုံခြုံရေးတပ်ဖွဲ့ဝင်များက ယာဉ်ဝင်^ ထွက်မှုများ စစ်ဆေး ဆောင်ရွက်စဉ် တောင်ဥက္ကလာပမြို့နယ်ဘက်မှ ဒဂုံမြို့သစ်(မြောက်ပိုင်း)မြို့နယ်ဘက်သို့ မောင်းနှင်လာသည့် မော်တော်ယာဉ်အမှတ်၊ YGN 5Q/ -------  Suzuki အမျိုးအစား မော်တော်ယာဉ်အား ရပ်တန့်စစ်ဆေးရှာဖွေရာ ရဲကိုကို(ဘ)ဦးလှမြင့်အား လက်လုပ်အသံဗုံး ၁ လုံး၊ အခြားဆက်စပ်ပစ္စည်းများနှင့်လည်းကောင်း၊ ပုသိမ်မြို့၊ အမှတ်(၆)ရပ်ကွက်၊ ဘန့်ဘွေးကုန်းနှင့် ကမ္မဆန်လမ်းဆုံ၌ ဆူပူအကြမ်းဖက်သူ ၁၀၀ ဦးခန့်က တာယာကွင်းများ မီးရှို့ပိတ်ဆို့၍ လေသေနတ်များ၊ ဂျင်ကလိများ၊ လေးခွများ၊ မီးပုလင်းများဖြင့် လုံခြုံရေးတပ်ဖွဲ့ဝင် များအား စတင်ရန်ပြုတိုက်ခိုက်လာသဖြင့် အဓိကရုဏ်းနှိမ်နင်းရေးလက်နက်ဖြင့် ခြောက်လှန့်ပစ်ခတ် လူစုခွဲခဲ့ရာ ၎င်းတို့အနက်မှ ဇော်အေး(ဘ)ဦးညွန့်မောင်အား ဒူးလေး ၁၀ လက်၊ လက်လုပ်သေနတ် ၂ လက်၊ ဂျင်ကလိ ၄၁ ချောင်း၊ ဓား ၃ ချောင်း၊ အခြားဆက်စပ် ပစ္စည်းများဖြင့်လည်းကောင်း၊ ဟင်္သာတမြို့၌ ဆူပူအကြမ်းဖက်မှုများကြောင့် ဖမ်းဆီးထိန်းသိမ်း ထာသည့် ရှိုင်းလင်းထက်နှင့် အောင်ကိုထက်တို့ ၂ ဦး၏ထွက်ဆိုချက်အရ ကနောင်စုရပ်ကွက်၊ ပြည်တော်သာလမ်းနေ အောင်ကိုထက်နေအိမ်၌ ဖခင်ဖြစ်သူ ဦးယဉ်ထွေအား ဂျင်ကလိ ၂၇ ချောင်း၊ အခြားဆက်စပ်ပစ္စည်းများနှင့်လည်းကောင်း၊ ပြင်ဦးလွင်မြို့အဝင် မန္တလေး- လားရှိုးလမ်းနှင့် ပြင်ဦးလွင် မြို့ရှောင်လမ်းဆုံရာ Mobile X-Ray ရိုက်စက်နေရာ၌ လုံခြုံရေး တပ်ဖွဲ့ဝင်များက ယာဉ်ဝင်/ ထွက်မှုများစစ်ဆေးစဉ် ကျော်ကျော်ထူး(ဘ)ဦးဟာမြင့် မောင်းနှင် လာသည့် မော်တော်ယာဉ် အမှတ်၊ SHN FF/---- AD- Vanအမျိုးအစားမော်တော်ယာဉ် အား ရပ်တန့်စစ်ဆေးရှာဖွေရာ ယာဉ်နောက်ဖုံးအတွင်းရှိ ပီနံအိတ်အတွင်းမှ ဆူပူအကြမ်းဖက် မှုတွင်အသုံးပြုသည့်ပစ္စည်းများနှင့်လည်းကောင်း ဖမ်းဆီးထိန်းသိမ်းရမိခဲ့သည်။

 အလားတူ ယနေ့တွင် အင်းစိန်မြို့နယ်၊ အောင်ဆန်းရပ်ကွက်၊ အောင်ဆန်းဈေး၊ စည်ပင်သာယာရေးတာဝန်ခံရုံး၌ မျိုးသန်းနှင့် အောင်မျိုးဦးတို့ ၂ ဦးအား မီးစာတပ် ဓာတ်ဆီ ပုလင်း ၆၃ လုံး၊ အခြားဆက်စပ်ပစ္စည်းများနှင့်လည်းကောင်း၊ လှည်းကူးမြို့နယ်၊ ဖောင်ကြီး အနောက်ကျေးရွာနေ လင်းလင်း(ဘ)ဦးတင်ရွှေအား ၎င်း၏နေအိမ်၌ ဓား ၂ ချောင်း၊ အခြား ဆက်စပ်ပစ္စည်းများနှင့်လည်းကောင်း၊ ပုသိမ်မြို့၊ အမှတ်(၁)ရပ်ကွက်၊ ကိုးသောင်းလမ်းရှိ  ကျော်မြတ်အေးနေအိမ်၌ ဂျင်ကလိ ၁၀၈ ချောင်းနှင့် အခြားဆက်စပ်ပစ္စည်းများအား လည်းကောင်း၊ ညောင်တုန်းမြို့၊ အမှတ်(၂)ရပ်ကွက်ရှိ အမှတ်(၁)အခြေခံပညာအထက်တန်း ကျောင်း၌ မသင်္ကာဖွယ်ပစ္စည်းတစ်ခုတွေ့ရှိကြောင်း သတင်းအရ လုံခြုံရေး တပ်ဖွဲ့ဝင်များက သွားရောက်စစ်ဆေးရာ ဒေသန္တရလက်လုပ်ဗုံး ၁ လုံးအားလည်းကောင်း၊ ကန်ကြီးဒေါင့်မြို့နယ်၊ ဒါးကအုပ်စု၊ ဒါးကကျေးရွာနေ မင်းမင်း(ဘ)ဦးဗိုက်ကြီးအား ၎င်း၏နေအိမ်၌ ဂျင်ကလိ ၁၃ ချောင်း၊ အခြားဆက်စပ်ပစ္စည်းများနှင့်လည်းကောင်း ဖမ်းဆီးထိန်းသိမ်းရမိခဲ့သည်။

 ဆူပူအကြမ်းဖက်ရာတွင်အသုံးပြုမည့် လက်နက်၊ ဆက်စပ်ပစ္စည်းများနှင့်အတူ ဖမ်းဆီးထိန်းသိမ်းရမိသူများကို ဥပဒေအရထိရောက်စွာအရေးယူနိုင်ရန် အမှုဖွင့်လှစ် ဆောင်ရွက်လျက်ရှိကြောင်းနှင့် စစ်ဆေးရှာဖွေသတင်းဖော်ထုတ်မှုများကို ဆက်လက် ဆောင်ရွက် လျက်ရှိကြောင်းသတင်းရရှိသည်။